រដ្ឋធានីរបស់ឥណ្ឌាប្រកាសបិទទ្វារសាលា ព្រោះការបំពុលខ្យល់ខ្លាំង
អាជ្ញាធរក្នុងក្រុង ញ៉ូវ ដេល្លី (New Delhi) ប្រទេសឥណ្ឌា កាលពីថ្ងៃសៅរ៍ទី១៣ វិច្ឆិកា ២០២១ បានប្រកាសពីការបិទទ្វារសាលារៀន ១សប្តាហ៍ ខណៈដែលគណៈគ្រប់គ្រង់ស្ថានភាពបំពុលបរិស្ថាននៅក្នុងរដ្ឋធានីរបស់ឥណ្ឌាមួយនេះបានព្រមានពីការប៉ះពាល់ខ្លាំងដល់សុខភាព។
មន្ត្រីជាន់ខ្ពស់ ប្រចាំក្រុងដេល្លី លោក Arvind Kejriwal បានប្រាប់ក្រុមអ្នកសារព័ត៌មានថា ការបិទទ្វារសាលារៀននឹងត្រូវធ្វើឡើង ចាប់ពីថ្ងៃចន្ទ សប្តាហ៍ក្រោយ ដូច្នេះ កុមារនឹងមិនត្រូវស្រូបយកខ្យល់ពុល តាមរយៈការដកដង្ហើម។
គួរបញ្ជាក់ថា ក្រុង ញ៉ូវ ដេល្លី មានប្រជាជនរស់នៅសរុប ប្រមាណ២០លាននាក់។ ញ៉ូវ ដេល្លី ត្រូវបានចាត់ទុកថា ជាក្រុងមួយក្នុងចំណោមក្រុងត្រូវបានបំពុលបរិស្ថានខ្លំាំងបំផុតមួយនៅលើពិភពលោក ជាមួយនឹងការបំភាយឧស្ម័នពុលពីរោងចក្រ និងយានយន្ត និងផ្សែងពីភ្លើងកសិកម្ម ធ្វើឱ្យខ្យល់របស់វាទៅជាពណ៌ប្រផេះ រៀងរាល់រដូវរងា។
កាលពីថ្ងៃសៅរ៍ ទី១៣ វិច្ឆិកា កម្រិតនៃភាគល្អិត PM 2.5 – តូចបំផុត និងគ្រោះថ្នាក់បំផុតដែលអាចចូលទៅក្នុងចរន្តឈាម – ឡើងដល់ 300 នៅលើសន្ទស្សន៍គុណភាពខ្យល់៕
