ភ្នំពេញ: ប្រភពព័ត៌មានបានបញ្ជាក់ថា នៅថ្ងៃទី២២ ខែវិច្ឆិកា ឆ្នាំ២០២១ខាងមុខ សម្ដេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា នឹងដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភាដើម្បីពិភាក្សា និងពិនិត្យលើបេក្ខភាពអនុប្រធានទី១ រដ្ឋសភា ជំនួសឯកឧត្តម ងួន ញ៉ិល ដែលទទួលមរណភាព។

មន្ត្រីជាន់ខ្ពស់រដ្ឋសភាបានឲ្យដឹងថា ឯកឧត្តមកិត្តិសេដ្ឋាបណ្ឌិត ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និង សវនកម្មនៃរដ្ឋសភា ជាបេក្ខភាពអនុប្រធានទី១ រដ្ឋសភាដែលគណបក្សប្រជាជនកម្ពុជា បានបញ្ជូនទៅរដ្ឋសភាកាលពីថ្ងៃទី១០ ខែវិច្ឆិកាកន្លងទៅ៕ដោយៈពលជ័យ