ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា : សម្តេចតេជោ ហ៊ុន សែន គាំទ្រឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី គឺជារឿងត្រឹមត្រូវ
ភ្នំពេញៈ ឯកឧត្តម គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា និងជាអ្នកវិភាគបានមាន ប្រសាសន៍ថា ជាការពិតរបៀបធ្វើការរបស់គណបក្សប្រជាជនកម្ពុជា គឺជាទូទៅមានការចាត់តាំង មានវិន័យ ច្បាស់លាស់ ហើយការគាំទ្ររបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃកម្ពុជាក្នុងការគាំទ្រ ឯកឧត្តម ហ៊ុន ម៉ាណែត ជាបេក្ខជននាយករដ្ឋមន្ត្រីគឺមិនមានអ្វីខុសឆ្គងនោះទេគឺជារឿងត្រឹមត្រូវ។ធម្មតាលោកជាអាណា ព្យាបាលជាឪពុកតែងតែផ្តល់ការលើកទឹកចិត្ត និងផ្តល់កាតគាំទ្រចំពោះកូនរបស់ខ្លួន គឺជារឿងធម្មតាហើយក៏បង្ហាញពីការ រៀបចំអ្នកបន្តវេនសម្រាប់ដឹកនាំប្រទេសជាតិទៅមុខទៀតពីព្រោះការធ្វើជានាយករដ្ឋមន្ត្រីមិនមែនជារឿងចៃដន្យដែលគ្មានការរៀបចំគ្មានការបណ្តុះបណ្តាលគ្មានការគិតគូរជាមុននោះទេ។
លោកបញ្ជាក់ថា តំណែងនេះគឺជាតំណែងដ៏មានសារៈសំខាន់បំផុសម្រាប់ប្រទេសជាតិការគិតគូរ ការរៀបចំការគាំទ្រមុន នេះ គឺជារឿងមួយត្រឹមត្រូវបំផុតសម្រាប់អ្នកស្នងតំណែងក្នុងតួនាទីដ៏មានសារៈសំខាន់នេះ។
ឯកឧត្តម គិន ភា បានប្រាប់AMS នៅល្ងាចថ្ងៃទី២ខែធ្នូឆ្នាំ២០២១ថាបើសិនជាពិនិត្យទៅលើប្រវត្តិនៃការសិក្សានិង ប្រវត្តិការងាររបស់ឯកឧត្តមបណ្ឌិត ហ៊ុន ម៉ាណែត គឺជាកូនឥស្សរជនរបស់ជាតិយើង ដែលទទួលបាននការអប់រំខ្ពង់ខ្ពស់ ។យើងឃើញប្រវត្តិនៃការសិក្សារបស់ឯកឧត្តមបណ្ឌិត ហ៊ុន ម៉ាណែតគឺជាកូនខ្មែរទី១ដែលបានចូលទៅរៀននៅ សាលាបណ្ឌិតសភាយោធាសហរដ្ឋអាមេរិក។គឺជាអ្នកដែលពូកែ។ខ្ញុំធ្លាប់បានទៅទៅនោះគឺសាស្ត្រចារ្យម្នាក់បានលើកឡើង ពីភាពឆ្លាតវៃ និងការគោរពវិន័យសាលារបស់ឯកឧត្តមបណ្ឌិត ហ៊ុន ម៉ាណែត។ ឯកឧត្តមបណ្ឌិត ហ៊ុន ម៉ាណែតបានរៀន សូត្រច្រើនរហូតទទួលបានសញ្ញាបត្របណ្ឌិតនេះ គឺជាចំណេះមួយដ៏សំខាន់សម្រាប់អ្នកដឹកនាំនៃប្រទេសកម្ពុជា។ បើ និយាយពីប្រវត្តិការងារបស់ឯកឧត្តមបណ្ឌិត ហ៊ុន ម៉ាណែត គឺមានការទទួលខុសត្រូវ ហើយធ្វើការនៅក្នុងជួរកងកម្លាំង ជាអគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។ បទពិសោធន៍ទាំងអស់នេះ ជាបទពិសោធន៍ដ៏មានតម្លៃសម្រាប់តួនាទីដ៏មានសារៈសំខាន់របស់ប្រទេសជាតិ។
ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាបានបញ្ជាក់ថា គុណតម្លៃ ឬលក្ខណៈសម្បត្តិ របស់ឯកឧត្តមបណ្ឌិត ហ៊ុន ម៉ាណែត គឺជាឥស្សរជនដែលស័ក្តិសមសម្រាប់ការបន្តតំណែងដ៏មានសារៈសំខាន់នេះ។ ក៏ប៉ុន្តែដូចដែលសម្តេចតេជោ ហ៊ុន សែន បានបញ្ជាក់ហើយថា ការគាំទ្ររបស់សម្តេចគឺជារឿងមួយប៉ុន្តែនីតិវិធីនៅក្នុងការ ឡើងទៅធ្វើជានាយករដ្ឋមន្ត្រីនឹងមានការឆ្លងកាត់តាមការបោះឆ្នោត។ឆ្លងកាត់តាមការបោះឆ្នោតមានពីរទី១.ការបោះឆ្នោត ក្នុងក្របខណ្ឌគណបក្សប្រជាជនកម្ពុជា ពាក់ព័ន្ធជាមួយការតែងតាំងបេក្ខជននាយករដ្ឋមន្ត្រី និងទី២.គឺការបោះឆ្នោតពី សំណាក់ប្រជាពលរដ្ឋខ្មែរដែលជាអ្នកផ្តល់សសេចក្តីទុកចិត្តពីព្រោះការឡើងធ្វើជានាយករដ្ឋមន្ត្រីមិនមែនជាការបន្តរាជដូចក្នុងរបបរាជានិយមដែលព្រះរាជាតែងតាំងព្រះរាជទាយាទហើយអស់ពីព្រះរាជាទៅព្រះរាជទាយាទឡើងជាព្រះមហាក្សត្របន្តទេ។ ដោយឡែកប្រព័ន្ធកម្ពុជា គឺប្រព័ន្ធប្រជាធិបតេយ្យសរីពហុបក្ស ត្រូវឆ្លងកាត់ការបោះឆ្នោតពីប្រជាពលរដ្ឋទៀត។ បើសិនជាគណបក្សប្រជាជនកម្ពុជានៅតែដ៏ទទួលបាននៅការគាំទ្រគគ្រឹកគគ្រេងដូចបច្ចុប្បន្នហើយគណបក្សតែងតាំង បេក្ខជននាយករដ្ឋមន្ត្រីដែលមានឯកឧត្តមបណ្ឌិត ហ៊ុន ម៉ាណែតជាបេក្ខជនគឺលទ្ធភាពដែលអាចបន្តតំណែងពីសម្តេចតេជោ នាយករដ្ឋមន្ត្រីគឺជារឿងមួយដែលមិនមានការលំបាកទេ។ស្រុកខ្មែរមិនមែនស្រុកបន្តតំណែងពីឪពុកទៅកូនឲ្យឆ្លងកាត់ឬក៏រំលងឆន្ទៈប្រជាពលរដ្ឋនោះទេ៕ដោយៈពលជ័យ