ជាមធ្យម វៀតណាមស្លាប់ប្រចាំថ្ងៃជាង២០០នាក់ ឆ្លង១.៤ម៉ឺននាក់
ក្នុងរយៈពេល៧ថ្ងៃជាប់ៗគ្នាមកនេះ ចំនួនឆ្លងកូវីដ១៩ប្រចាំថ្ងៃនៅប្រទេសវៀតណាម មានចន្លោះពីប្រមាណ១ម៉ឺន៤ពាន់នាក់ និងស្លាប់ជាង២០០នាក់ ជាមធ្យម នេះបើតាមការចេញផ្សាយរបស់ទីភ្នាក់ងារព័ត៌មាន VNexpress។
ក្រសួងសុខាភិបាលវៀតណាមបានប្រកាសថា កាលពីថ្ងៃទី៦ ធ្នូ ម្សិលមិញ មានឆ្លងថ្មី ១៤៥៥៨នាក់ កើនឡើង២៤៦នាក់ បើធៀបនឹងថ្ងៃទី៥ ធ្នូ ធ្វើឲ្យចំនួនអ្នកកើតកូវីដសរុបនៅវៀតណាមកើនដល់ ១,៣១៧,៤៦៨នាក់ហើយ។ រីឯអ្នកស្លាប់វិញ រកឃើញ២២៣នាក់ទៀត កើនដល់ ២៦៤៨៣នាក់ហើយ គិតត្រឹមយប់ថ្ងៃទី៦ ធ្នូ។
វៀតណាមបានចាក់វ៉ាក់សាំងជូនប្រជាពលរដ្ឋ ជាង៧៣.៤លាននាក់ហើយ ក្នុងនោះ ៥៣.៤លាននាក់បានទទួលការចាក់គ្រប់ពីរដូស៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
