ឥណ្ឌូនេស៊ី ៖ផ្ទុះភ្នំភ្លើង ស្លាប់មនុស្ស១៤នាក់ បាត់ខ្លួនច្រើននាក់ទៀត
មានករណីផ្ទុះភ្នំភ្លើង Semeru នៅប្រទេសឥណ្ឌូនេស៊ី បណ្តាលឱ្យមានមនុស្សបាត់បង់ជីវិតជាច្រើននាក់ និង ខូចខាតផ្ទះសម្បែងជាច្រើន ថ្មីៗនេះ។
ភ្នំភ្លើង Semeru មានទីតាំងស្ថិតនៅក្នុងខេត្ត Java ភាគខាងកើតនៃប្រទេសបានផ្ទុះ កាលពីចុងសប្តាហ៍មុន។ ហេតុការណ៍នេះបានបណ្តាលឲ្យស្លាប់មនុស្ស១៤នាក់ និង រងរបួស ៥៦នាក់ ក្នុងចំណោមនោះ មាន៣៥នាក់ស្ថិតក្នុងស្ថានភាពធ្ងន់ធ្ងរ ហើយជាច្រើននាក់ទៀតបាត់ខ្លួនរកមិនទាន់ឃើញនៅឡើយ។
ក្រៅពីនេះ យ៉ាងហោចណាស់ មនុស្ស ១៣០០នាក់ ត្រូវបានជម្លៀសទៅកាន់កន្លែងមានសុវត្ថិភាព ក្រោយពីផ្ទះសម្បែងរាប់រយខ្នង និង សាលារៀនចំនួន ៣៣ទីតាំង ត្រូវបានបំផ្លាញដោយហេតុការណ៍បំផ្ទុះភ្នំភ្លើងនេះ។
ឥណ្ឌូនេសុគឺជាប្រទេសមួយ នៅក្នុងតំបន់អាស៊ីអាគ្នេយ៍ ត្រូវបានគេដឹងថា ជារឿយៗ តែងប្រឈមមុខជាមួយគ្រោះធម្មជាតិ បំផ្ទុះភ្នំភ្លើង៕
