ធ្លាក់ឧទ្ធម្ភាគចក្រដឹកមេបញ្ជាការយោធាជាន់ខ្ពស់របស់ឥណ្ឌា
ឧទ្ធម្ភាគចក្រមួយគ្រឿង ដឹកជញ្ជូនមេបញ្ជាការយោធាជាន់ខ្ពស់ ក្នុងប្រទេសឥណ្ឌា បានធ្លាក់នៅចំណុចរដ្ឋ Tamil Nadu ភាគខាងត្បូងប្រទេស នារសៀលថ្ងៃទី៨ ធ្នូ ២០២១នេះ នេះបើតាមការចេញផ្សាយរបស់ CNA នៅមុននេះបន្តិច។
ប្រភពថា មេបញ្ជាការវ័យ៦៣ឆ្នាំ ឈ្មោះថា Bipin Rawat បានធ្វើដំណើរតាមរយៈឧទ្ធម្ភាគចក្រ Mi-17V5 chopper ផលិតនៅរុស្ស៊ី ក៏ជួបឧបទ្ទេវហេតុតែម្តង នេះបើតាមកងកម្លាំងទ័ពអាកាសឥណ្ឌា ប្រកាសឲ្យដឹងតាមរយៈបណ្តាញសង្គម Twitter ។
លោកឧត្តមសេនីយ៍ Bipin Rawat គឺជាមេបញ្ជាការកំពូលរូបនេះត្រូវបានគេដឹងថា ជាមនុស្សជិតស្និទ្ធនឹងនាយករដ្ឋមន្ត្រី Narendra Modi ។ លោកនិងភរិយាបានធ្វើដំណើរជាមួយមន្ត្រីមួយចំនួនទៀត។
យ៉ាងណាក៏ដោយ ពុំទាន់មានព័ត៌មានពីស្ថានភាពលោកឧត្តមសេនីយ៍ Bipin Rawat និងភរិយានៅឡើយទេ៕