លោក អូត ឈាងលី អភិបាល នៃគណះអភិបាលស្រុកជើងព្រៃ សហការជាមួយព្រះអនុគណស្រុក ព្រះមន្រ្តីសង្ឃ ព្រះចៅអធិការវត្ត នាព្រឹកថ្ងៃទី១៨ ខែធ្នូ ឆ្នំា២០១៩ នេះ បានអញ្ជើញចុះសាកសួរសុខទុក្ខ នឹងយកនូវអំណោយ របស់អនុសាខាកាកបាទក្រហមកម្ពុជាស្រុក  ផ្តល់ជូនប្រជាពលរដ្ឋចំនួន០១គ្រួសារ ដែលជួបគ្រោះអគ្គីភ័យឆេះផ្ទះកាលពីថ្ងៃទី១៧ ខែធ្នូ    ឆ្នំា២០១៩គន្លង ទៅ  ស្ថិតនៅក្នុងភូមិដំណាក់អំពិល ឃុំស្តើងជ័យ ស្រុកជើងព្រៃ ខេត្តកំពង់ចាម ។ខូចខាតផ្ទះ០១ខ្នង  ទំហំ ៦មx៨ម ធ្វើអំពីឈើ ប្រក់ក្បឿង ជញ្ជាំងសង្កសី ។
ក្នុងឱកាសនេះដែរ លោកអភិបាលស្រុកជើងព្រៃបានចូលរួមនូវការសោកស្តាយជាពន់ចំពោះ ក្រុមគ្រួសរដែលទទួលរងនូវអគ្គីភ័យឆាបឆេះ ធ្វើអោយបាត់បង់នូវទ្រព្យសម្បត្តិ ដែលខិតខំរកមកដោយលំបាកតែត្រូវបាត់បង់ទៅវិញ។
លោកអភិបាលបានមានប្រសាសន៍លើកឡើងដែរ រាជរដ្ឋាភិបាលគ្រប់លំដាប់ថ្នាក់ ជាពិសេសគឺកាកបាទក្រហមកម្ពុជា ដែលគឺតែងតែនៅជាមួយបងប្អូនប្រជាពលរដ្ឋ គ្រប់ពេលវេលា និងគ្រប់ទីកន្លែង ទីណាមានការលំបាកទីនោះមានកាកបាទក្រហម្ពុជា ។
សូមបញ្ជាក់ថា អំណោយដែលផ្តល់ជូនគ្រួសាររងគ្រោះខាងលើរួមមាន៖
– ឯកឧត្តមបណ្ឌិត ម៉ា ឈឿន ប្រធានក្រុមការងារថ្នាក់កណ្តាលចុះជួយស្រុកជើងព្រៃ និងលោកជំទាវ ( សម្ភារះប្រើប្រាស់ គ្រឿងឧបភោគបរិភោគ និងថវិកា៥០ម៉ឺនរៀល សរុប ១.៦៨០.០០០រៀល )
– ឯកឧត្តម វេង សាខុន ប្រធានក្រុមការងារថ្នាក់ជាតិចុះជួយស្រុកជើងព្រៃ និងលោកជំទាវ ( ថវិកា ២លានរៀល )
– លោក អូត ឈាងលី អភិបាល នៃគណះអភិបាលស្រុកជើងព្រៃ ( ថវិកា ២០០.០០០រៀល )
– លោក ខាត់ សុខន ប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលស្រុក ( ថវិកា ២០០.០០០ រៀល )
– អនុសាខាកាកបាទក្រហមកម្ពុជាស្រុកជើងព្រៃ ( សម្ភារះប្រើប្រាស់ គ្រឿងឧបភោគបរិភោគមួយចំនួន និងថវិកា ២០០.០០០ រៀល )
– ព្រះអនុគណ ព្រះមន្រ្តីសង្ឃ ព្រះចៅអធិការវត្ត  ( សម្ភារះប្រើប្រាស់ គ្រឿងឧបភោគបរិភោគមួយចំនួន និងបច្ច័យ ៨៨២.០០០រៀល ) ។