ក្រុមអ្នកញៀននឹងល្បែងអាប៉ោង ប្រុស ស្រី ត្រូវសមត្ថកិច្ចចុះឆ្មក់បង្ក្រាបឃាត់ខ្លួនបានសរុបចំនួន ១៤នាក់ខណៈពេលកំពុងនាំគ្នាប្រព្រឹត្តជាក់ស្តែង
ប្រតិបត្តិការបង្ក្រាបករណីខាងលើនេះបានធ្វើឡើងកាលពីរសៀលថ្ងៃទី២១ ខែធ្នូ ឆ្នាំ២០២១ នៅចំណុចក្នុងព្រៃជាប់ជើងភ្នំ ខាងត្បូងភូមិម្កាក់ចម្ងាយ១៥០០ម៉ែត្រពីភូមិ ស្ថិតក្នុងឃុំធម្មតាអរ ស្រុកសំរោងទង ខេត្តកំពង់ស្ពឺ ។
សមត្ថកិច្ចបានបញ្ជាក់ថា ក្នុងប្រតិបត្តិការនេះ សមត្ថកិច្ចឃាត់មនុស្សចំនួន១៤នាក់ (ស្រី៦នាក់) រួមមាន ១-ឈ្មោះ ម៉េង ខាន់ ភេទស្រី អាយុ៤៣ឆ្នាំ ភូមិទឹកថ្លា ឃុំដំបូករូង ស្រុក ភ្នំស្រួច ខេត្តកំពង់ស្ពឺ ២-ឈ្មោះ កើត សុផល ភេទស្រី អាយុ៣៧ឆ្នាំ ភូមិអន្លង់លាក់ ឃុំស្វាយចចឹប ស្រុកបសេដ្ឋ ខេត្តកំពង់ស្ពឺ ៣-ឈ្មោះ ហេង អីម ភេទស្រី អាយុ ៤០ឆ្នាំ ភូមិស្រែត្រពាំង ឃុំ ព្រៃក្មេង ស្រុកភ្នំស្រួច ខេត្តកំពង់ស្ពឺ ៤-ឈ្មោះ គូ អេម ភេទស្រី អាយុ៤២ឆ្នាំ ភូមិគាស់គុល ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ៥-ឈ្មោះ ប៊ុន មុំ ស្រី អាយុ ៥៩ឆ្នាំ ភូមិប្រីយ ឃុំ ព្រៃក្មេង ស្រុកភ្នំស្រួច ខេត្តកំពង់ស្ពឺ ៦-ឈ្មោះ វន ធី ភេទស្រី អាយុ ៥០ឆ្នាំ ភូមិត្រពាំងក្រឡឹង ឃុំមហាសាំង ស្រុក ភ្នំស្រួច ខេត្តកំពង់ស្ពឺ ៧-ឈ្មោះ ស៊ួង សារិទ្ធ ភេទប្រុស អាយុ ៥២ឆ្នាំ ភូមិប្រីយ ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ។
៨-ឈ្មោះ គង់ បិត ភេទប្រុស អាយុ៥៦ឆ្នាំ ភូមិគាស់គុល ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ៩-ឈ្មោះ វ៉ាន់ ស៊ុន ភេទប្រុស អាយុ៦៧ឆ្នាំ ភូមិតាំងខ្សា ឃុំតាំងខ្សា ស្រុកភ្នំស្រួច ខេត្តកំពង់ស្ពឺ ១០-ឈ្មោះ ឆាង ម៉ៅ ភេទប្រុស អាយុ ៥៨ឆ្នាំ ភូមិ ស្រែពាំង ឃុំព្រៃក្មេង ស្រុក ភ្នំស្រួច ខេត្តកំពង់ស្ពឺ ១១-ឈ្មោះ ជឹម អ៊ួច ភេទប្រុស អាយុ៤០ឆ្នាំ ភូមិ ព្រៃកំប៉ុក ឃុំធម្មតាអរ ស្រុកសំរោងទង ខេត្តកំពង់ស្ពឺ ១២-ជ័យ ធី ភេទប្រុស អាយុ៥០ឆ្នាំ ភូមិទឹកថ្លា ឃុំដំបូករូង ស្រុកភ្នំស្រួច ខេត្តកំពង់ស្ពឺ ១៣-ម៉ម វុធ ភេទប្រុស អាយុ២៨ឆ្នាំ ភូមិព្រៃក្បុង ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ និង១៤-ឈ្មោះ អ៊ុន ធិន ភេទប្រុស អាយុ ២៧ឆ្នាំ ភូមិ ព្រៃក្បុង ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ។
ក្រោយឃាត់ខ្លួនក្រុមជនសង្ស័យខាងលើ សមត្ថកិច្ចដកហូតសម្ភារៈរួមមាន មេអាប៉ោ.ង៤គ្រាប់ ចានបា.ញ់អាប៉ោ.ងចំនួន១ ផ្តិល ១ កំរាលក្រាល១ និងម៉ូតូចំនួន៤គ្រឿង។
តាមប្រភពពីសមត្ថកិច្ចបានអោយដឹងថា បន្ទាប់ពីទទួលបានសេចក្តីរាយការណ៍ពីប្រជាពលរដ្ឋថាមានក្រុមអ្នកញៀ.ននឹងល្បែ.ងអាប៉ោ.ងនាំគ្នាប្រមូលផ្តុំលេងនៅចំណុចខាងលើរួចមក សមត្ថកិច្ចនគរបាលស្រុកសំរោងទងក្រោមការដឹកនាំរបស់លោកវរសេនីយ៍ឯកឃុត សុផល អធិការនគរបាលស្រុកបានបើកប្រតិបត្តិការចុះបង្ក្រាប និងឃាត់ខ្លួនក្រុមអ្នកញៀ.នល្បែ.ងអាប៉ោ.ងបានមួយសម្បុកមានទាំងប្រុសទាំងស្រីសរុបចំនួន១៤នាក់ ដើម្បីយកទៅធ្វើការសាកសួរ។
នៅយប់ថ្ងៃដដែលនោះដែរ បន្ទាប់ពីធ្វើការសាកសួររួច សមត្ថកិច្ចនគរបាលស្រុកសំរោងទងបានកសាងសំណុំរឿងបញ្ជូនទៅកាន់ការិយាល័យព្រហម្មទណ្ឌកំរិតស្រាល ដើម្បីចាត់តាមនីតិវីធី ៕