ក្លិបបិសាចក្រហម Manchester United កំពុងសម្លឹងឃើញ អ្នកចាំទីរបស់ Aston Villa កីឡាករ Emiliano Martinez ដើម្បីមកជំនួស David de Gea ដែលនៅសល់កុងត្រាជាមួយ Man Utd ត្រឹមឆ្នាំ២០២៣ប៉ុណ្ណោះ ។

បើយោងតាមការចុះផ្សាយរបស់កាសែត Daily Star ថា ក្លិបបិសាចក្រហម បានឃើញបេក្ខភាព ត្រៀមជំនួសរួចស្រេច ប្រសនបើអ្នកចាទីជម្រើសជាតិអេស្ប៉ាញចាកចេញ គឺអ្នកចាំទីសញ្ជាតិ អាហង្ស់ទីន នឹងក្លាយជាអ្នកចាំទីដៃទី១ នៅកីឡដ្ឋាន Old Trafford នាពេលខាងមុខនេះ ។ ចំពោះតម្លៃខ្លួន Martinez វិញ អាចនឹងប្រហែលជា ៥០លានអឺរ៉ូ (ឬប្រមាណ ៥៦លានដុល្លា) ។

បើតាមប្រភពដដែល Man UTD ក៏អាចដាក់លក់ De Gea ផងដែរ ដើម្បីជៀសវាង បាត់បង់ ដោយពុំបានទទួលតម្លៃខ្លួនបីការចាកចេញនេះ ។
គួរបញ្ជាក់ថា ក្រៅពីអ្នកចាំទី Martinez ក្លឹប Man UTD ក៏ចាប់អារម្មណ៍អ្នកចាំទីវ័យក្មេងរបស់ក្រុម Leeds United កីឡាករ Illan Meslier ផងដែរ ៕