ឆ្លងឆ្នាំថ្មីភ្លាម កូរ៉េខាងជើងបាញ់មីស៊ីលបាលីស្ទីកភ្លែត
អត្ថបទដោយ៖
លន់ សារ៉ាត
កូរ៉េខាងជើង នាថ្ងៃទី៥ មករា ២០២២នេះ បានបាញ់មីស៊ីលបាលីស្ទីកចូលទៅក្នុងសមុទ្រ នេះបើតាមការបញ្ជាក់ដូចគ្នា ពីសំណាក់កូរ៉េខាងត្បូង និងជប៉ុន ហើយ ក៏ជាការបាញ់មីស៊ីលប្រភេទនេះដំបូង របស់កូរ៉េខាងជើង ក្នុងឆ្នាំ២០២២នេះ។
ចាប់តាំងពីឡើងកាន់តំណែងមក លោក គីម ជុងអ៊ុន មេដឹកនាំកូរ៉េខាងជើងបានបង្កើនបច្ចេកវិទ្យាយោធាកាន់តែខ្លាំង ទោះបីជាមានទណ្ឌកម្មអន្តរជាតិកាន់តែខ្លាំងក្តី។
ការផ្តើមបាញ់អាវុធប្រភេទនេះដំបូង នៅឆ្នាំ២០២២នេះបានកើតមានឡើង ក្រោយពេល១ឆ្នាំដែលខ្លួនបានសាកល្បងអាវុធធន់ធ្ងន់ ទោះបីជាកូរ៉េខាងជើងជួបវិបត្តិសេដ្ឋកិច្ចធ្ងន់ធ្ងរ ក្នុងពេលរាតត្បាតកូវីដ១៩ក៏ដោយ៕ ប្រភពពី CNA
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
