Athletic Bilbao បានយកឈ្នះជើងឯក La Liga ក្រុម Atletico Madrid ក្នុងលទ្ធផល ២ទល់នឹង១ ឡើងទៅកាន់វគ្គផ្តាច់ព្រ័ត្រនៃពានរង្វាន់ Spanish Super Cup ជាមួយក្រុម Real Madrid ។

ការប្រកួតបានចាប់ផ្តើមដោយក្រុមទាំងពីរមិនអាចរកគ្រាប់បាល់បាននោះទេ នៅវគ្គទី១ លុះឈានចូលវគ្គទី២ អ្នកចាំទី Unai Simon បានធ្វើអោយចូលទីខ្លួនឯងជាហេតុនាំអោយ Atletico Madrid បើកការនាំមុខមុន១គ្រាប់មុននៅនាទី៦២ ការតែតបាល់បញ្ចូលទីនៅនាទី៧៧ របស់ Yeray Alvarez បាន Athletic Bilbao តាមស្មើវិញ និងការរកគ្រាប់បាល់បាន១គ្រាប់ទៀតពីសំណាក់ Nico Williams នៅនាទី៨១ ។

បញ្ចប់ការប្រកួតក្រុម Athletic Bilbao បានយកឈ្នះ Atletico Madrid ក្នុងលទ្ធផល២ទល់នឹង១ ។
ខណៈក្រុម Real Madrid ទទួលបានកៅអីវគ្គផ្តាច់ព្រ័ត្រ នៅថ្ងៃអាទិត្យ នាទីក្រុង Riyadh ជាមួយនឹងជ័យជម្នះ ៣ទល់នឹង២ លើក្រុម Barcelona កាលពីថ្ងៃពុធ៕