វេជ្ជបណ្ឌិតថៃល្បីម្នាក់ និយាយថា អូមីក្រុងឆ្លងលឿនខ្លាំងមែន
វេជ្ជបណ្ឌិត យ៉ុង ផូវ័ររ៉ាវ៉ាន់ (Yong Poovorawan) អ្នកឯកទេស មេរោគឈានមុខគេនៅប្រទេសថៃបានអះអាង តាមរយៈបណ្តាញ សង្គមហ្វេសប៊ុកថា ទោះបីជាមនុស្សកាន់តែច្រើនកំពុងឆ្លងមេរោគ អូមីក្រុង(Omicron) បើប្រៀបធៀបទៅនឹង ដែលតា(Delta) ក៏ដោយ ក៏អត្រានៃការស្លាប់ គឺទាបជាងឆ្ងាយ។
លោកវេជ្ជបណ្ឌិតបញ្ជាក់ថា ទិន្នន័យដែលប្រមូលបានពីការឆ្លង ដែលត្រូវបានបញ្ជាក់តាមរយៈការធ្វើតេស្ត RT-PCR បង្ហាញថា អត្រានៃការស្លាប់ព្រោះអូមីក្រុង បានធ្លាក់ចុះ ដល់០,២ ភាគរយ។ ការប៉ាន់ប្រមាណនេះគឺផ្អែកលើការពិតដែលថាចំនួនករណីអូមីក្រុង ដែលបានបញ្ជាក់គឺខ្ពស់ជាងពេលដែលវីរុស ដែលតា កំពុងរីករាល ដាលនៅក្នុងប្រទេស។
លោក Yong ក៏បានបង្ហាញដែរថា ការស្លាប់ភាគច្រើនពាក់ព័ន្ធ នឹងជនងាយរងគ្រោះ ដូច្នេះពួកគេគួរតែត្រូវបានផ្តល់ការថែទាំបន្ថែម និងវិធានការបង្ការដ៏តឹងរឹងគួរតែត្រូវបានដាក់ចេញ ដើម្បីទប់ស្កាត់ ការរីករាលដាលនៃមេរោគ៕ ប្រែសម្រួលដោយៈសារ៉ាត