រដ្ឋបាលរាជធានីភ្នំពេញ បានច្រានចោលចំពោះការចោទប្រកាន់ដែលនិយាយថា អាជ្ញាធរ បានបៀតបៀនផ្លូវភេទលើស្រ្តីជាក្រុមបាតុករ និងការប្រើប្រាស់អំពើហិង្សា ពាក់ព័ន្ធនឹងចំណាត់ការអនុវត្តវិធានសុខាភិបាល។

ការច្រានចោលព័ត៌មានចោទប្រកាន់នេះ បានធ្វើឡើងក្នុងពេល ដែលអាជ្ញាធរកំពុងព្រួយបារម្ភជុំវិញហានិភ័យឆ្លង កាន់តែខ្ពស់នូវវីរុសអូមីក្រុងជាមួយនឹង ចំណាត់ការយ៉ាងលំបាកក្នុងការធ្វើតេស្តស្វែងរកវីរុសកូវីដ១៩ ក្នុងចំណោមក្រុមធ្វើបាតុកម្មរបស់អតីតបុគ្គលិកណាហ្គាវើលដ៍ បន្ទាប់ពីការរកឃើញមាន អ្នកឆ្លងយ៉ាងហោចជាង៧០នាក់ រួចមកហើយនេះ។