សេអ៊ូល៖មនុស្សជាង៦ពាន់នាក់ត្រូវបានជម្លៀសខ្លួនចេញពី ផ្ទះ សម្បែង ខណៈដែលក្រុមពន្លត់កំពុងព្យាយាមពន្លត់ភ្លើងឆាបឆេះ ព្រៃទ្រង់ទ្រាយធំ នៅតំបន់ឆ្នេរភាគខាងកើតប្រទេសកូរ៉េខាងត្បូង ដែលកើតមាន៣ថ្ងៃមកហើយនោះ។

រហូតមកដល់ថ្ងៃទី៧ មីនា នេះ ភ្លើងនៅតែបន្តឆាបឆេះ ខណៈ ដែល ផ្ទះយ៉ាងតិច ១៥៣ខ្នងត្រូវបានបំផ្លាញ និងលេបត្របាក់ ហេដ្ឋារចនា សម្ព័ន្ធរាប់សិបកន្លែងទៀត ប៉ុន្តែ ពុំទាន់មានសេចក្តីរាយការណ៍ ពីមនុស្ស ស្លាប់នៅឡើយទេ។

អគ្គិភ័យនេះបានកើតឡើង តាំងពីថ្ងៃសុក្រសប្តាហ៍មុន ផ្តើមចេញពីផ្លូវ ក្បែរភ្នំមួយកន្លែង ក្នុងតំបន់ Uljin និងរាលដាលដល់ តំបន់ភាគ ខាងជើង Samcheok ខណៈខ្យល់ខ្លាំង និងរាំងស្ងួត។ ព្រៃ ប្រមាណ ជាងពីរម៉ឺនអារ នៃតំបន់ព្រៃត្រូវបានភ្លើងឆេះ ដែលវា មានចម្ងាយប្រមាណ៣៣០គីឡូម៉ែត្រ ពីរដ្ឋធានីសេអ៊ូល៕ ប្រែសម្រួលដោយ៖សារ៉ាត