មនុស្សយ៉ាងហោច៣៤នាក់ ត្រូវបានឃាត់ខ្លួន ក្នុងប្រតិបត្តិការបង្ក្រាបការទន្ទ្រានដីរដ្ឋ ក្នុង ដែនព្រៃលិចទឹកតំបន់បឹងទន្លេសាប ខណៈផ្ទៃដីជាង៦ម៉ឺនហិកតាត្រូវបានរឹបអូសជាដីរដ្ឋវិញ ។

របាយការណ៍របស់ក្រសួងរៀបចំដែនដី នគរូបនីយកម្ម និងសំណង់ថ្ងៃទី១០ ខែមីនា បានរៀប រាប់ថាការឃាត់ខ្លួនមនុស្សទាំង៣៤នាក់នោះ បានធ្វើក្នុងខេត្តចំនួន៦ នៅជុំវិញបឹងទន្លេសាប ក្នុងនោះមានខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្ត កំពង់ធំ។

សេចក្តីរាយការណ៍បន្តថា ក្នុងចំណោមមនុស្ស៣៤នាក់នោះ, មនុស្ស៥នាក់ក្រោយ មកត្រូវបានដោះលែងមកវិញ។