ក្រុមគ្រូពេទ្យស្ម័គ្រចិត្ត សាខាសមាគមសិស្ស និស្សិត បញ្ញវន្តក្មេងវត្តខេត្តកំពង់ចាម ចុះពិនិត្យ ពិគ្រោះជំងឺទូទៅ និងផ្តល់ថ្នាំពេទ្យជូនប្រជាពលរដ្ឋរស់នៅសង្កាត់បឹងកុក
ដោយការយកចិត្តអំពីសុខមាលសុខមាលភាពរបស់ប្រជាពលរដ្ឋ ស្របតាមគោលនយោបាយរបស់រាជរដ្ឋាភិបាលកម្ពុជា នៅព្រឹកថ្ងៃទី១៤ ខែមីនា ឆ្នាំ២០២២ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានកិត្តិយសសាខាសមាគម សិស្ស និស្សិត បញ្ញាវន្តក្មេងវត្តខេត្តកំពង់ចាម អញ្ជើញចុះជួបសំណេះសំណាល ជាមួយបងប្អូនប្រជាពលរដ្ឋរស់នៅភូមិឡឥដ្ឋ សង្កាត់បឹងកុក ក្នុងកម្មវិធីពិនិត្យ ពិគ្រោះជំងឺទូទៅ និងផ្តល់ថ្នាំងពេទ្យជូនបងប្អូនប្រជាពលរដ្ឋដោយឥតគិតថ្លៃ ប្រមាណជាង ៣០០នាក់។ ពិធីនេះក៏មានការអញ្ជើញចូលរួមពីសំណាក់លោកជំទាវតំណាងរាស្ត្រមណ្ឌលកំពង់ចាម, ឯកឧត្តម លោកជំទាវ អភិបាលរងខេត្ត, ថ្នាក់ដឹកនាំមន្ទីរអង្គភាពជុំវិញខេត្ត, អាជ្ញាធរក្រុងកំពង់ចាម, គណៈក្រុមគ្រូពេទ្យ និងក្រុមការងារសាខាសមាគម ព្រមទាំងមន្ត្រីពាក់ព័ន្ធមួយចំនួនទៀត។
តាមរបាយការណ៍របស់ឯកឧត្តម វេជ្ជបណ្ឌិត សៅ សំបូរ ប្រធានក្រុមគ្រូពេទ្យស្ម័គ្រចិត្តបានឲ្យដឹងថា សាខាសមាគមសិស្ស និស្សិត បញ្ញវន្តក្មេងវត្តខេត្តកំពង់ចាម ដែលបានការជួយឧបត្ថម្ភគាំទ្រដោយឯកឧត្តម ហ៊ុន ម៉ានិត ប្រធានគណៈអចិន្ត្រៃយ៍សមាគម និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានកិត្តិយសសាខា។
ដោយមានក្រុមគ្រូពេទ្យចំនួន ៣៧នាក់ ចុះបំពេញបេសកកម្មខាងលើនឹងដោយបានការសហការយ៉ាងជិតស្និទ្ធជាមួយមន្ទីរសុខាភិបាល នៃរដ្ឋបាលខេត្ត និងគណៈក្រុមគ្រូពេទ្យខេត្តកំពង់ចាមផងដែរ។
ក្នុងឱកាសអញ្ជើញចុះជួបសំណេះសំណាល និងពិនិត្យ ពិគ្រោះជំងឺទូទៅ និងផ្តល់ថ្នាំ និងការចាក់វ៉ាក់សាំងបង្ការជំងឺកូវីដ១៩ ជូនបងប្អូនប្រជាពលរដ្ឋដោយឥតគិតថ្លៃនាពេលនេះ ឯកឧត្តម អ៊ុន ចាន់ដា បានលើកឡើងថា សកម្មភាពរបស់ក្រុមគ្រូពេទ្យស្ម័គ្រចិត្តសាខាសមាគមសិស្ស និស្សិត បញ្ញវន្តក្មេងវត្តខេត្តកំពង់ចាម នាពេលនេះ គឺជាការរួមចំណែកយ៉ាងធំធេងជាមួយរាជរដ្ឋាភិបាលកម្ពុជា ក្រោមការដឹកនាំដ៏ភ្លឺស្វាងប្រកបដោយកិត្តិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែល ជានិច្ចកាលសម្តេចទាំងទ្វេ តែងតែគិតគូរអំពីបញ្ហាសុខមាលភាពរបស់បងប្អូនប្រជាពលរដ្ឋគ្រប់ពេលវេលា និងគ្រប់កាលៈទេសៈ។ ហើយបើបងប្អូនប្រជាពលរដ្ឋយើងមានសុខភាពល្អ ការអភិវឌ្ឍ និងមានការរីកចម្រើនជាលំដាប់។
ឯកឧត្តម អភិបាលខេត្តក៏បានស្នើឲ្យបងប្អូនប្រជាពលរដ្ឋដែលមានបញ្ហាសុខភាពសូមប្រញាប់ប្រញ៉ាលទៅកាន់មណ្ឌលសុខភាព ឬមន្ទីរពេទ្យបង្អែកដែលនៅជិតបំផុត។ ហើយថ្ងៃនេះទៀតដែលមានក្រុមគ្រូពេទ្យស្ម័គ្រចិត្តរបស់សាខាសមាគមសិស្ស និស្សិត បញ្ញវន្តក្មេងវត្ត ខេត្តកំពង់ចាម ដែលបានចុះមកពិនិត្យ និងពិគ្រោះជំងឺជូនបងប្អូនដោយគិតថ្លៃដោយមិនប្រកាន់និន្នាការនយោនយោបាយ សាសនា ពណ៌សម្បុរអ្វីឡើយ។ ឯកឧត្តម អភិបាលខេត្តក៏បានថ្លែងអំណរគុណដល់ក្រុមគ្រូពេទ្យស្ម័គ្រចិត្ត សាខាសមាគមសិស្ស និស្សិត បញ្ញវន្តក្មេងវត្តខេត្តកំពង់ចាម ដែលដឹកនាំដោយឯកឧត្តម ជា ក្រូច ទីប្រឹក្សាក្រសួងព័ត៌មាន និងជាអនុប្រធានប្រចាំការ និងអាជ្ញាធរក្រុងកំពង់ចាម រួមនិងមន្ត្រីពាក់ព័ន្ធដែលបានជួយសម្របសម្រួលក្នុងបេសកកម្មដ៏ ឧត្តុង្គឧត្តមខាងលើ។ ឯកឧត្តម ក៏បានស្នើដល់បងប្អូនប្រជាពលរដ្ឋទាំងអស់ត្រូវអនុវត្តឲ្យបានខ្ជាប់ខ្ជួននូវវិធានការរបស់ក្រសួងសុខាភិបាល ក្នុងការបង្ការទប់ស្កាត់ការឆ្លងរាលដាលពីជំងឺកូវី១៩ ជាពិសេសពីវីរុសបម្លែងថ្មីប្រភេទអូរមីក្រុង។
ក្នុងឱកាសនោះ ឯកឧត្តមអភិបាលខេត្តក៏បាន ឧបត្ថម្ភថវិកាចំនួនជាង ៧លានរៀ ជូនដល់ក្រុមគ្រូពេទ្យស្ម័គ្រចិត្តសាខាសមាគមសិស្ស និស្សិត បញ្ញវន្តក្មេងវត្ត ខេត្តកំពង់ចាម ដើម្បីទិញឱសថ និងបរិក្ខារវេជ្ជសាស្ត្រសម្រាប់បន្តបេសកកម្មដើម្បីសុខភាពប្រជាជន។
សូមបញ្ជាក់ថា ក្នុងកម្មវិធីខាងលើក៏មានការផ្ដល់ជូននូវការចាក់វ៉ាក់សាំងបង្ការជំងឺកូវីដ១៩ ទាំងដូសមូលដ្ឋាន និងដូសជំរុញជូនបងប្អូនប្រជាពលរដ្ឋផងដែរ។
![](https://asset.ams.com.kh/central/media/954B5574-6892-4E9B-8348-507FC56BD030-687x1024.jpeg)
![](https://asset.ams.com.kh/central/media/94B99F38-D258-4B25-8CA7-1899BB1AA7DC-1024x682.jpeg)
![](https://asset.ams.com.kh/central/media/ABCBE7FE-206D-41E0-BA50-E5B279DB38B2-1024x682.jpeg)
![](https://asset.ams.com.kh/central/media/531934B2-66D1-4406-9234-08106FF4A823-1024x684.jpeg)
![](https://asset.ams.com.kh/central/media/FAB49652-72D1-483F-9893-7A0F4C872E37-1024x682.jpeg)
![](https://asset.ams.com.kh/central/media/A096265D-CA5E-46A6-8F97-61A9F4F80020-1024x718.jpeg)
![](https://asset.ams.com.kh/central/media/52E61FDA-CFA4-47AD-B1C5-2E9F7D0E18FE-1024x682.jpeg)
![](https://asset.ams.com.kh/central/media/2D82F071-A556-4FE3-A705-B5C20EEA4F8D-1024x682.jpeg)
![](https://asset.ams.com.kh/central/media/D67A885E-4D8A-4845-BFDC-DD09CC977C90-1024x682.jpeg)
![](https://asset.ams.com.kh/central/media/74BB4395-AB7C-4537-B77B-0894CE14CC0F-1024x707.jpeg)