ភ្នំពេញ៖ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងឆ្នាំ ២០២១ កម្ពុជារកចំណូលបានពីការនាំចេញផលិតផលកៅស៊ូប្រមាណ ៦១០លានដុល្លារ បើធៀបនឹងឆ្នាំមុន មាន ៤៦៨លានដុល្លារ។

ឯកឧត្តមរដ្ឋមន្រ្តីបានឱ្យដឹងទៀតថា ថវិកាដែលប្រមូលបានខាងលើនេះ មានទំហំកៅស៊ូចំនួន ៣៧,០០០តោននៅឆ្នាំ ២០២១ បើធៀបនឹងឆ្នាំ ២០២០ ការនាំចេញកៅស៊ូបានត្រឹមតែ ៣៤,០០០តោនប៉ុណ្ណោះ។ ចំណែកចំណូលពីការនាំចេញឈើកៅស៊ូ បានចំនួនជាង ១,៥០០,០០០ដុល្លារបន្ថែមទៀតលើចំណូលកៅស៊ូ។

ការលើកឡើងបែបនេះរបស់ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ធ្វើឡើងនៅក្នុងពិធីបិទសន្និបាទបូកសរុបការងារប្រចាំឆ្នាំ២០២១ និងលើកទិសដៅការងារឆ្នាំ ២០២២ នាពេលថ្មីៗនេះ៕ ប្រភព៖ កម្ពុជាថ្មី ដោយ៖ ឈឹម ទីណា