ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកក្នុងថ្ងៃនេះស្រុតចុះ។ ថ្ងៃនេះអ្នកប្រហែលជាមានអារម្មណ៍ថាការដោះស្រាយ រឿងរ៉ាវនានានឹងមានការធ្លាក់ចុះ។ អាស្រ័យហេតុនេះ សូមធ្វើតាមការស្ទង់មតិរបស់អ្នក។ សូមចងចាំថា ការងារថ្ងៃនេះអាចនឹងទទួលបានជោគជ័យអាស្រ័យទៅលើការខិតខំប្រឹងប្រែងរបស់អ្នកយ៉ាងខ្លាំងបំផុត។ ហើយប្រសិនបើអ្នកមិនមានការប្រុងប្រយ័ត្ននោះទេ​ បញ្ហាក៏ នឹងកើតឡើងដោយងាយផងដែរ។ ក្រៅពីនេះ សូមលោកអ្នកព្យាយាមអនុវត្តការងារដោយ មានការអត់ធ្មត់ខ្លាំងបំផុត ហើយប្រើប្រាស់វិធីសាស្រ្តអនុគ្រោះមិនធ្វើឲ្យវឹកវរដល់ការងារ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកថ្ងៃនេះស្រុតចុះ។ លោកអ្នកអាចនឹងជួបបញ្ហាខកចិត្តយ៉ាងខ្លាំងជាមួយនឹងលទ្ធផលការងារ។ ក្នុងអំឡុងពេលនេះការងាររបស់អ្នកក៏មានការផ្លាស់ប្តូរយ៉ាងខ្លាំងផងដែរ ដូច្នេះសូមមានការប្រុងប្រយ័ត្នរាល់ពេញបំពេញការងារ។ ពិសេសសូមយកចិត្តទុកដាក់នឹងពត៌មាន ឬសូមវាយតម្លៃខ្ពស់រាល់ពត៌មានដែលអ្នកប្រមួលបាន។ ក្នុងនោះសូមចងចាំថា ការពិភាក្សា និងការចរចាមិនត្រូវធ្វើឡើងក្នុងពេលនេះទេ ពីព្រោះអ្នកមិនអាចធ្វើឲ្យគេយល់ដឹង ពីបំណងប្រាថ្នារបស់អ្នកឡើយ។ ក្រៅពីនេះ លោកអ្នកកំពុងស្ថិតក្រោមឥទ្ធិពលនៃអារម្មណ៍ ដូច្នេះកុំធ្វើឲ្យឡូកឡំនឹងការងារ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាល្អសម្រាប់ធ្វើដំណើរការនានា ដូច្នេះសូមកុំឪ្យខកខាន​ឪកាសល្អនេះ។ សូមយកការងារដែលអ្នកបានគូសវាសរួចរាល់នោះ មកអនុវត្តនៅពេលនេះ ដើម្បីឲ្យអ្នកអាចស្ថារស្ថេរភាពការងារទៅរកដំណាក់កាលមួយថ្មី ទៀត។ នៅក្នុងពេលនេះអ្នកនឹងអាចមិនជួបនូវបញ្ហាធ្ងន់ធ្ងរនោះទេ ប៉ុន្តែមានបញ្ហាតូចតាចខ្លះក៏អាចមករំខានដំណើររបស់អ្នកបានដែរ ដូច្នេះសូមមានភាពរហ័សរហួន វាងវៃ ហើយសម្របទៅតាមកាលទេសជានិច្ច។ ដោយឡែក ថ្ងៃនេះក៏ជាពេលវេលាដ៏មានប្រសិទ្ធភាពសម្រាប់អ្នកដឹកនាំផងដែរ ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកថ្ងៃនេះល្អមធ្យម។ ហោរាសាស្រ្តណែនាំឲ្យអ្នករៀនពីការកំណត់គោលដៅ ឲ្យបានពិតប្រាកដ។ អ្នកមិនអាចចាប់យកការងារច្រើនក្នុងពេលតែមួយ ឬការងារដែលមិន សមប្រកបនឹងសមត្ថភាព ឬបទពិសោធន៍របស់អ្នកនោះទេ។ ជាការពិតលោកអ្នកអាចធ្វើវា បាន ប៉ុន្តែគ្រាន់តែភាពលំបាកនោះមានច្រើនលើសលប់ ដែលអាចបង្ករការហត់នឿយ និងបង្កើតកំហុសឆ្គងបានដោយងាយ។ ក្រៅពីនេះ​ ប្រហែលជាអ្នកគួរតែឈប់សុបិន្តអំពីការចាប់ យកអាជីពនានាសិន ហើយបន្តធ្វើការងារបច្ចុប្បន្នឲ្យល្អបំផុត។ ដោយឡែក សូមកុំដាក់គំនិត របស់អ្នកទាំងស្រុងទៅលើអ្នកដទៃ ពីព្រោះនឹងនាំឲ្យខូចទំនាក់ទំនង។  

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីអស់លោកអ្នកថ្ងៃនេះឡើងខ្ពស់ត្រដែត។ ហោរាសាស្រ្តអាជីពសន្យាផ្តល់ជូនលោកអ្នកនូវភាពជោគជ័យយ៉ាងធំ ហើយក៏គ្រប់ការងារទាំងអស់ផងដែរ។ អ្នកក៏មិនគួរភ័យខ្លាចនឹងការលំបាកណាមួយដែរ ពីព្រោះបើទោះការងារនោះលំបាកយ៉ាងណាក៏អ្នកអាចដោះស្រាយបានដោយងាយស្រួល។ មិនត្រឹមតែប៉ុណ្ណោះអ្នកមានមនុស្សល្អនៅជុំវិញខ្លួន សម្រាប់ទំនុកបម្រុងផងដែរ ដូច្នេះសូមរីករាយទទួលអំណរនេះ។ ទន្ទឹមនឹងនេះ នៅចុងបញ្ចប់ម៉ោង ការងារល្ងាចនេះអ្នករំពឹងថានឹងទទួលបានដំណឹងដ៏រីករាយដែលបានរងចាំជាយូរណាស់ មកហើយដែរ។ ក្រៅពីនេះ លោកអ្នកទទួលបានអំណោយផលនៃការសម្រេចចិត្តត្រឹមត្រូវ។  

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកនៅក្នុងថ្ងៃនេះស្រុតចុះ។ ការងាររបស់អ្នកហាក់កំពុងប្រទះភាពស្មុគ្រស្មាញច្រើន ទាំងតាមរយៈទំនាក់ទំនង និងអស្ថេរភាពក្នុងបរិយាកាសខាងក្រៅ។ សូមលោកអ្នកព្យាយាមយល់ដឹងពីការងាររបស់ខ្លួន ហើយមិនត្រូវជឿជាក់ផ្តេសផ្តាស់នោះទេ។ អ្វីៗទាំង អស់សូមឈរទៅលើហេតុផល មុននឹងសម្រេចចិត្ត។ ក្នុងនោះសូមកុំវង្វេងដោយការផ្តល់ជូននានា ពីព្រោះមានរូបភាពបញ្ឆោតភ្នែកជាច្រើន ដែលកំពុងបំផ្លាញលំនឹងការងាររបស់អ្នក។ ផ្ទុយទៅវិញ លោកអ្នកពោរពេញទៅដោយភាពវិជ្ជមាន ដូច្នេះសូមប្រើប្រាស់អំណោយផលនេះដឹកនាំការងារ និងបញ្ចៀសផលលំបាកដែលអាចកើតឡើងក្នុងថ្ងៃនេះ។  

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកថ្ងៃនេះល្អជាមធ្យម។ សូមយកចិត្តទុកដាក់នឹងស្ថានភាពហរិញ្ញវត្ថុ។ លោកអ្នកមិនគួរចាយវាយច្រើន សូម្បីតែការប្រើប្រាស់លុយកាក់បណ្តាក់ទុននានាក៏គួរធ្វើឡើងដោយ ការប្រុងប្រយ័ត្នខ្ពស់បំផុតផងដែរ។ អាស្រ័យហេតុនេះ សូមកុំពាក់ព័ន្ធនឹងបំណុលជាដាច់ខាត។  ក្នុងនោះសូមចាប់ផ្តើមសន្សំសំចៃពីពេលនេះទើបកាន់តែប្រសើរ។ ក្នុងនោះប្រសិនបើអ្នកអាចធ្វើបាន នោះអ្នកនឹងអាចបញ្ចៀសនៅផលលំបាកមិនត្រឹមតែសម្រាប់ថ្ងៃនេះនោះទេ ប៉ុន្តែអាចរក្សាលំនឹងការងារបានល្អសម្រាប់ថ្ងៃខាងមុខ។ ផ្ទុយទៅវិញ សូមកុំធ្វើការដោះស្រាយបញ្ហានៅក្នុងពេលនេះ ពីព្រោះអ្នកនឹងមិនអាចឈានទៅដល់ដំណោះស្រាយទេ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ អាជីពទាំងឡាយរបស់អ្នកនឹងជួបប្រទះតែភាពជោគជ័យ។ ស្ថានភាពដែលធ្លាប់តែលំបាកទាំងប៉ុន្មាននឹងប្រែជាងាយស្រួល។ ជាមួយនឹងអំណោយផលនេះ សូមកុំទាន់បន្ធូរបន្ថយការងារ ប៉ុន្តែគួរខិតខំប្រឹងប្រែងជានិច្ច ដើម្បីឲ្យអ្នកអាចឈានទៅដល់លំនឹងមួយដ៏យូរអង្វែង។ ក្រៅពីនេះ លោកអ្នកនឹងទទួលបានធនធាន តាមបំណងប្រាថ្នា ប្រសិនបើអ្នកចំណាយកំលាំងកាយចិត្តទៅលើរឿងនោះឲ្យកាន់តែជិតស្និទ្ធ។ ក្នុងនោះសម្រាប់គម្រោងចាស់ៗទាំងឡាយ ក៏អាចយកមកចាប់ផ្តើមជាថ្មីបាន។ ក្រៅពីនេះ លោកអ្នកក៏នឹងអាចធ្វើការដឹកនាំក្រុមការងារបានដោយប្រសិទ្ធភាពផងដែរ។  

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាដែលរំភើបបំផុតសម្រាប់កិច្ច ការងារក៏ដូចជាទំនាក់ទំនងផ្ទាល់ខ្លួន។ អ្នកអាចធ្វើឲ្យស្ថានភាពលំបាកទៅជាងាយស្រួល ហើយបើសិនជាអ្នកតស៊ូបន្តិចទៀតនោះ គោលដៅរបស់អ្នកនឹងនៅយ៉ាងប្រកៀកបំផុត។ ក្នុងនោះទាមទារឲ្យលោកអ្នកមានភាពក្លាហានក្នុងការសម្រេចចិត្ត កុំលាយឡំបញ្ហាផ្ទាល់ខ្លួននឹងការងារ ហើយកុំបាត់បង់ទំនុកចិត្តជាដាច់ខាត។ ចំពោះការងារប្រចាំថ្ងៃ ពិសេស សម្រាប់បុគ្គលិករដ្ឋឯកជន គួរមានការចែករំលែក ហើយព្យាយាមយល់ពីមនុស្សនៅក្បែរខ្លួនឲ្យបានច្រើន។ ការប្រកួតប្រជែង គួរតែធ្វើ ប៉ុន្តែភាពត្រឹមត្រូវជាចំណុចចំបង។  

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  រាសីអស់លោកអ្នកក្នុងថ្ងៃនេះល្អជាមធ្យម។ ថ្ងៃនេះជាពេលវេលាដ៏ល្អប្រសើរសម្រាប់លោកអ្នកជាបុគ្គលិករដ្ឋ ក៏ដូចជាឯកជន ដែលធ្វើការទាក់ទងនឹងផ្នែកហិរញ្ញវត្ថុ។ ថ្ងៃនេះរាល់បញ្ជីស្នាមនានាមានរបៀបរៀបរយខ្លាំង។ បញ្ហាដែលទាក់ទងនឹងរបាយការណ៍ ឬការខ្វះចន្លោះនានាហាក់រលាយបាត់រូបរាង ដូច្នេះការងាររបស់អ្នកនឹងមានស្ថានភាពរលូនណាស់។ ចំណុចព្រមានសំខាន់បំផុត គឺសូមកុំមានការដោះដូរដែលគម្រោងផែនការដែលអ្នកបានរៀបចំទុកឲ្យសោះ។ សូមព្យាយាមឲ្យអ្វីៗដំណើរការតាមធម្មតា។ ក្រៅពីនេះ លោកអ្នកនឹងជួបនូវលាភសំណាងដែលកើតឡើងនៅកន្លែងធ្វើការ ប៉ុន្តែសុខភាពបែរជាប៉ះពាល់ទៅវិញ។

ឆ្នាំច

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីលោកអ្នកថ្ងៃនេះល្អជាមធ្យម។ ការងាររបស់អ្នកកំពុងដំណើរការទៅដោយសស្រាក់សស្រាំ។ លោកអ្នកអាចទាញយកផលប្រយោជន៍បានយ៉ាងច្រើនពីអំណោយផលដែលកើតឡើងនៅ ក្នុងពេលនេះ។ នៅរវាងពេលព្រឹកអ្នកអាចនឹងទទួលបានសំណើ ឬការផ្តល់ជូនថ្មីៗ ដូច្នេះ សូមគិតគូរឲ្យបានដិតដល់មុនពេលបដិសេធ។ លើសពីនេះ សូមលោកអ្នកធ្វើសកម្មភាព ដោយក្លាហាន ហើយគួរយកចិត្តទុកដាក់គ្រប់កាលទេសទាំងអស់។ ក្នុងនោះសូមលៃលកតម្រូវពេលវេលា និងស្ថានភាពឲ្យបានសមស្រប ដើម្បីបញ្ចៀសភាពរាំងស្ទះ។ លើសពីនេះ ប្រហែលជាអ្នកមិនគួរទុកចិត្តមនុស្សពេកនោះទេ ពីព្រោះគ្រោះបាត់បង់ពត៌មាន ឬឯកសារ សំខាន់មានកំរិតខ្ពស់។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកកំពុងទទួលបានគំនិតច្នៃប្រឌិតខ្ពស់លើការងារ ដូច្នេះអ្នកអាចធ្វើឲ្យការងារដំណើរការទៅបានដោយរលូន និងទទួលបានផ្លែផ្កាណាស់។ អ្នកក៏អាចក្លាយជាអ្នកគ្រប់គ្រងបានល្អផងដែរ ពីព្រោះអ្នកកំពុងទទួលបានអំណោយផលលើការគ្រប់គ្រង និងការសម្រេចចិត្ត។ លើសពីនេះ ប្រសិនបើអ្នកប្រាថា្ន គឺអ្នកនឹងអាចស្វែងរកប្រភពដើមចមបានល្អ ដូច្នេះមិនមានអ្វីជាឧបសគ្គដល់បំណងប្រាថ្នារបស់អ្នកទេ។ ដោយឡែក សូមចាប់ផ្តើមបំផុសគំនិតរបស់អ្នកតាមរយៈរបាយការណ៍ឲ្យបានទៀងទាត់។ ផ្ទុយទៅវិញ​ លោកអ្នកអាចទទួលឥទ្ធិពលពីអារម្មណ៍ច្រើន ដូច្នេះគប្បីគ្រប់គ្រងអារម្មណ៍។

ចំណាំ៖

ឆ្នាំទាំង៥ ខាល​ រោង​ មមែ វក កុរ រាសីឡើងខ្ពស់ត្រដែត។ លាភសំណាងរបស់អ្នកបានមកពីការប្រឹងប្រែង។ លោកអ្នកនឹងទទួលបានការតម្លើងឋានៈ លុយកាក់ និងការទទួលស្គាល់ខ្លាំង នៅកន្លែងការងារ។​