សំណង់អាកាសយានដ្ឋានអន្តរជាតិតេជោដំណាក់កាលពី១ សម្រេច៣១.១% (Video Inside)
ការសាងសង់អាកាសយានដ្ឋានអន្តរជាតិតេជោដំណាក់កាលពី១ បានសម្រេច៣១.១%ហើយ ។ សំណង់ព្រលានយន្តហោះអន្តរជាតិថ្មីដែលមានទីតាំងក្នុងខេត្តកណ្តាលនេះ ត្រូវគេគ្រោង សាងសង់ក្នុងបីដំណាក់កាល ដោយដំណាក់កាលទី១រយៈ ពេល៣ឆ្នាំសាងសង់តម្លៃ១ពាន់ ៥០០លានដុល្លារ ដែលនឹងត្រូវបញ្ចប់ក្នុងឆ្នាំ២០២៣។ យោងតាមសេចក្តីប្រកាសព័ត៌មាន ក្រុមហ៊ុនសាងសង់ TIA ការទើបសម្រេចបានជាង៣១ភាគរយនេះ ទើបបានចំណាយប្រាក់ ៤៣៤លានដុល្លារនោះទេ ។
បើសិនជាដំណាក់កាលទី១នឹងសាងសង់រួចរាល់, សំណង់នៃដំណាក់កាលដំបូងនេះ នឹងអាច ទទួលបានភ្ញៀវ ទេសចរណ៍១៣លាននាក់ក្នុង១ឆ្នាំ។ ដោយឡែកដំណាក់កាលទី២ នឹងគ្រោង បញ្ចប់នៅឆ្នាំ២០៣០ ដែលអាច រំពឹងទទួលភ្ញៀវទេសចរ៣០លាននាក់ក្នុង១ឆ្នាំ, ចំណែក ដំណាក់កាលទី៣ នឹងគ្រោងបញ្ចប់នៅឆ្នាំ២០៥០ ដែលនឹងអាចទទួលភ្ញៀវ ទេសចរ ៥០លាន នាក់ក្នុង ១ឆ្នាំ។
បច្ចុប្បន្នប្រទេសកម្ពុជា មានព្រលានយន្ដហោះអន្ដរជាតិចំនួន៣រួចមកហើយ គឺ ទី១៖ ព្រលាន យន្ដហោះអន្ដរជាតិភ្នំពេញ, ទី២៖ ព្រលានយន្ដហោះអន្ដរជាតិខេត្តសៀមរាប និងទី៣៖ ព្រលានយន្ដហោះអន្ដរជាតិខេត្តព្រះសីហនុ។