អគ្គិភ័យកើតឡើងក្នុងរយៈពេល៣ថ្ងៃដែលមានពិធីបុណ្យចូលឆ្នាំមានចំនួន៧លើក និង បណ្តាលអោយផ្ទះ៥ខ្នង និងតូប១បានឆេះ និងក៏មានអ្នករងរបួសម្នាក់ផងដែរ។

យោងតាមនាយកដ្ឋាននគរបាលបង្ការពន្លត់អគ្គិភ័យ អគ្គិភ័យដែលបានឆាបឆេះរវាងពីថ្ងៃ ទី១៤ដល់១៦មេសា មាននៅក្នុងខេត្តព្រះវិហារ១លើក ដោយឆេះផ្ទះអស់១ខ្នង និងមានអ្នក រងរបួសម្នាក់ជាមនុស្សប្រុស ។ នៅខេត្តព្រះសីហនុ មានចំនួន១លើក ឆេះតូបអស់ចំនួន១,  ខេត្តកំពង់ធំ មាន១លើកឆេះផ្ទះអស់១ខ្នង, ខេត្តបាត់ដំបង មាន២លើកឆេះផ្ទះអស់២ខ្នង, ខេត្ត សៀមរាបមាន១លើកឆេះខ្សែភ្លើងអស់ចំនួន៣៧ដុំ និងខេត្តត្បូងឃ្មុំ មាន១លើកឆេះផ្ទះអស់ ចំនួន១ ខ្នង។ បើប្រៀបធៀបនឹងឆ្នាំ២០២១កន្លងមក, គ្រោះអគ្គិភ័យមានចំនួន៩លើក។