អបអរសាទរ ១ ឧសភា ទិវាពលកម្មអន្ដរជាតិ
ថ្ងៃទិវាពលកម្មអន្តរជាតិ គឺជាថ្ងៃដែលធ្វើឱ្យខ្ញុំនឹកឃើញដល់ការបង្ខំឱ្យធ្វើការងារពលកម្មក្នុងការដ្ឋានការងារជាទម្ងន់ក្នុងរបបយង់ឃ្នងខ្មែរក្រហម។ ប្រជាជនស្លូតត្រង់កម្ពុជារាប់លាននាក់ ត្រូវបានបនខ្មែរក្រហមដាក់ឱ្យក្លាយជាទាសករដែលធ្វើការលីសែងគ្មានពេលឈប់សម្រាក។ ការបង្ខំឱ្យធ្វើការជាទម្ងន់ បង្អត់អាហារ ឈឺទុកចោលឱ្យស្លាប់ ចាប់ឃុំឃាំង សួរចម្លើយ ធ្វើទារុណកម្មព្រៃផ្សៃសព្វបែបយ៉ាង និងការសម្លាប់ គឺជាអតីតកាលមួយដ៏ខ្មៅងងឹតដែលបានដិតដានក្នុងចិត្តជនរងគ្រោះ និងអ្នកដែលធ្លាប់ឆ្លងកាត់របបតិរច្ឆានខ្មែរក្រហមមិនអាចរលុបបានឡើយ។
ក្នុងនាមជាយុវជនជំនាន់ក្រោយ ត្រូវចងចាំ បង្ការ ការពារកុំឱ្យប្រវត្តិសាស្ត្រដ៏ខ្មៅងងឹតមួយនេះកើតមានឡើងជាថ្មីម្តងទៀត បើទោះបីជាលះបង់ក្នុងតម្លៃណាក៏ដោយ។ យើងជាអ្នកជំនាន់ក្រោយ ដាច់ខាតត្រូវរួបរួមគ្នា ថែរក្សាសុខសន្តិភាព ដែលយើងកំពុងមានសព្វថ្ងៃនេះ ឱ្យបានស្ថិតស្ថេរ គង់វង្ស ជាអមតៈ ដើម្បីយើងមានឱកាសអភិវឌ្ឍន៍ប្រទេសជាតិរបស់យើង ឱ្យកាន់តែសម្បូរសប្បាយរុងរឿង និងរីកចម្រើនទៅមុខទៀត។
