ក្រសួងសុខាភិបាលវៀតណាមបានឲ្យដឹងថា មានករណីឆ្លង Covid-19 ថ្មីចំនួន ៣៧១៧នាក់ នៅក្នុងទីក្រុង និងខេត្តចំនួន៥៣ កាលពីថ្ងៃអាទិត្យម្សិលមិញ ដែលជាចំនួនទាបបំផុតក្នុងរយៈពេល ១៨៧ ថ្ងៃចុងក្រោយនេះ។

ក្នុងសប្តាហ៍ចុងក្រោយមកនេះ ជាមធ្យម ប្រចាំថ្ងៃគឺ ៦៥៥២នាក់ ធ្លាក់ចុះ ៣២ ភាគរយ បើធៀបនឹងពីសប្តាហ៍មុនៗទៀត។ រីឯការស្លាប់មនុស្សវិញ មាន អ្នក ស្លាប់ ៤ នាក់ ធ្លាក់ ចុះ ៥៨ ភាគរយ។

កាលពីថ្ងៃអាទិត្យ ទី១ ឧសភា មានមនុស្សស្លាប់តែម្នាក់គត់ ធ្វើឱ្យចំនួនអ្នកស្លាប់កើនឡើងដល់ ៤៣០៤២នាក់ ឬ ០.៤ ភាគរយនៃការឆ្លងសរុបរបស់ប្រទេស។

សម្រាប់វៀតណាម នៅក្នុងរលកចុងក្រោយបំផុតដែលបានចាប់ផ្តើមក្នុងខែមេសាឆ្នាំមុន ករណីជាង ១០.៥ លានត្រូវបានរាយការណ៍ ដោយ ៩.២ លានករណីបានជាសះស្បើយវិញ ។ ៨០.៤ ភាគរយនៃប្រជាជនវៀតណាម បានទទួលវ៉ាក់សាំងចំនួនពីរដូសរួចហើយ ៕ សារ៉ាត