បាល់ទាត់ ៖ CRISTIANO RONALDO បានបង្ហាញស្នាមញញឹមនៅក្នុងការហ្វឹកហាត់ជាមួយក្រុម Manchester United កាលពីថ្ងៃពុធ ។ តារាឆ្នើមវ័យ 37 ឆ្នាំរូបនេះហាក់ដូចជាសប្បាយរីករាយនៅឯមូលដ្ឋាន Carrington របស់ក្លឹបចំពេលអនាគតមិនច្បាស់លាស់របស់គេ។ Ronaldo ស្ថិតនៅលើតារាងពិន្ទុក្នុងជ័យជម្នះ 3-0 កាលពីថ្ងៃច័ន្ទលើ Brentford ដែលជាគ្រាប់ទី 24 របស់គាត់ក្នុងរដូវកាលនេះ។

ប៉ុន្តែពីរប្រកួតចុងក្រោយនៃរដូវកាល Premier League អាចជាចុងក្រោយរបស់គាត់សម្រាប់ក្លឹប។ សារព័ត៌មាន SunSport បានចេញផ្សាយនៅមុននេះបន្តិចថា Manchester United កំពុងប្រឈមមុខនឹងការប្រជែងដណ្តើមយក Ronaldo នៅរដូវក្តៅនេះ។ CR7 កំពុងពិចារណាលើការចាកចេញត្រឹមតែមួយឆ្នាំបន្ទាប់ពីការវិលត្រឡប់ដ៏រំភើបទៅកាន់ Old Trafford ។

ខណៈព័ត៌ជាច្រើនបានលេចលឺថា ការមកដល់របស់អ្នកចាត់ការថ្មីលោក Erik ten Hag នៅរដូវក្តៅ នឹងមិនត្រូវការ Ronaldo ទៀតនោះទេ ។
Ronaldo នៅសល់មួយរដូវកាលទៀតលើកិច្ចសន្យាពីរឆ្នាំដែលគាត់បានចុះហត្ថលេខាពេលចូលរួមក្លឹបពី Juventus កាលពីរដូវក្តៅមុន ប៉ុន្តែអនាគតរបស់គាត់គឺស្ថិតនៅភាពមិនច្បាស់លាសជាមួយបិសាចក្រហម៕
ប្រភព ៖ The Sun
សារ៉ាន ទីងី