ហាណូយ៖ ក្រសួងសុខាភិបាលវៀតណាមបានប្រកាសរកឃើញករណីឆ្លងថ្មីៗ នៃជំងឺកូវីដ១៩ចំនួន ២,២៦៩ករណីបន្ថែមទៀត កាលពីថ្ងៃអាទិត្យ ទី៨ ឧសភា ជាការបន្តធ្លាក់ចុះច្រើននូវ ចំនួនឆ្លងប្រចាំថ្ងៃ។ រដ្ឋធានីហាណូយដែលបច្ចុប្បន្នជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងសម្រាប់ករណីឆ្លងថ្មីថ្ងៃនេះចំនួន ៣៣៨ករណី។

ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Nghệ An មានចំនួន ១៤០ករណី និងខេត្ត Tuyên Quang ១៣៥រណី។ ក្នុងរបាយការណ៍នាថ្ងៃអាទិត្យម្សិលមិញនេះដែរ វៀតណាមក៏បានរកឃើញ ករណីអ្នកស្លាប់មនុស្សព្រោះជំងឺកូវីដ ចំនួនម្នាក់ទៀត។

ត្រឹមថ្ងៃទី៨ ខែឧសភា វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ១០,៦៧៦,១៨៤នាក់ ក្នុងនោះអ្នកជំងឺជាសះស្បើយចំនួន ៩,៣២០,៥៩១នាក់ និងស្លាប់សរុបចំនួន ៤៣,០៥៦នាក់៕
ប្រែសម្រួល៖ សារ៉ាត