ហ៊ុល លីដា កីឡាករទូកកានូជម្រើសជាតិ មកពីរបស់ក្លិបកីឡាទូកក្រសួងមហាផ្ទៃ និងជាបេក្ខភាពមួយរូប ចូលរួមប្រជែងក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម ។

ហ៊ុល លីដា អះអាងថា បន្ទាប់ពីខ្លួនទទួលបានបច្ចេកទេសពីគ្រូមីយ៉ាន់ម៉ា និងគ្រូជប៉ុនសមត្ថភាពមានការអភិវឌ្ឍខ្លាំងខុសពីឆ្នាំមុនៗ។ ដូច្នោះសម្រាប់ការចូលរួមកីឡាស៊ីហ្គេម លើកទី៣១ នៅប្រទេសវៀតណាម រូបគេមិនហ៊ានសន្យារឿងឈ្នះមេដាយនោះទេ ប៉ុន្តែការតាំងចិត្ត គឺនឹងខិតខំឲ្យអស់ពីលទ្ធភាពស្វែងរកលទ្ធផលល្អជូនកម្ពុជា ។

សូមបញ្ជាក់ កីឡាករ ហ៊ុល លីដា គឺជាកីឡាករទូកកានូមួយរូប ក្នុងចំណោមកីឡាករ កីឡាការនី សហព័ន្ធកីឡាទូកកានូ និងរ៉ូអ៊ីងកម្ពុជា បញ្ជូនទៅចូលរួមប្រកួតក្នុងព្រឹត្តិការណ៍កីឡាស៊ីហ្គេម នៅប្រទេសវៀតណាម ដោយប្រកួតលើ៣វិញ្ញាសា៕អត្ថបទ៖ ជាវ ចន្ធូ