ឧកញ៉ា ឡូង ហ៊ឹង ទទួលសមាជិកបន្ថែមចំនួន ៣៥រូប មកពីគណៈបក្សផ្សេងសូមចូលរួមរស់ជាមួយគណៈបក្សប្រជាជននៅឃុំទងត្រឡាច ស្រុកស្រីសន្ធរ ខេត្តកំពង់ចាម
ឧកញ៉ា ឡូវ ហ៊ឺង និងឧកញ៉ា អែល សារ៉ុម នាំមកនូវអំណោយ ឯកឧត្តម ឧត្តមសេនីយ ហ៊ុន ម៉ាណែត ផ្តល់ជូនប្រជាពលរដ្ឋ នៅក្នុងភូមិទងត្រឡាច ឃុំទងត្រឡាច ស្រុកស្រីសន្ធរ ខេត្តកំពង់ចាម ឃុំទងត្រឡាច ជាក់ស្តែងនាព្រឹកថ្ងៃអាទិត្យ ទី១៥ ខែឧសភា ឆ្នាំ២០២២ ក្នុងគោលបំណងពង្រីកចលនាសិទ្ធស្នាលជាមួយបងប្អូនប្រជាពលរដ្ឋ នៅក្នុងបរិវេណវត្តទងត្រឡាច ឃុំទងត្រឡាច ស្រុកស្រីសន្ធរ ខេត្តកំពង់ចាម ឧកញ៉ា ឡូវ ហ៊ឺង ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាអនុប្រធានក្រុមការងារថ្នាក់ជាតិចុះជួយមូលដ្ឋានឃុំទងត្រឡាច រួមដំណើរដោយ លោកឧកញ៉ា អែល សារ៉ុម បាននាំនូវ សារ៉ុង ថ្នាំពេទ្យ ប្រហុក និងថវិកាចំនួន៦៥០០ដុល្លា ដែលជាអំណោយរបស់ ឯកឧត្តម ហ៊ុន ម៉ាណែត ផ្តល់ជូនប្រជាពលរដ្ឋនៅក្នុងភូមិទងត្រឡាច ប្រមាណ៧០០គ្រួសារ ។
យោងតាមការគូសបញ្ជាក់របស់ លោក ចាស់ ជឿន មេឃុំទងត្រឡាច បានបញ្ជាក់ថា សមិទ្ធិផលជាច្រើនបានកើតឡើង តាមរយៈលោកឧកញ៉ា ឡូវ ហ៊ឹង និងក្រុមការងារដែលជានិច្ចជាកាល បានចុះសាកសួរសុខទុក្ខ ឧបត្ថម្ភការកសាងឡើងនូវសមិទ្ធិផលរហូតទទួលបានការកោតសសើរនិងការស្រលាញ់អំពីសំណាក់បងប្អូនប្រជាពលរដ្ឋនៅក្នុងឃុំទងត្រឡាច ថ្ងៃនេះផងដែរលោក ចាស់ ជឿន បានបញ្ជាក់ថា មានសមាជិកថ្មីប្រមាណ៣៥នាក់បានមកពីគណៈបក្សភ្លេីងទៀនបានសូមចូលរួមរស់ជាមួយគណៈប្រជាជននៅក្នុងឃុំទងត្រឡាច ។
លោកឧកញ៉ា អែល សារ៉ុម បានមានប្រសាសន៍លើកឡើងថា ប្រជាពលរដ្ឋទាំងអស់សូមអរគុណចំពោះសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានបង្កើតសន្ថិភាពជូនប្រជាពលរដ្ឋ ដោយបានរំដោះបងប្អូន ប្រជាពលរដ្ឋអោយរួចផុតពី សេចក្តីស្លាប់ក្នុង របបដ៍ឃោរឃៅ ខ្មៅងងឹងត ៣ឆ្នាំ៨ខែនិង២០ថ្ងៃ រហូតមកដល់ពេលនេះ ធ្វើឲ្យប្រទេសជាតិយើងបានកែប្រែមុខមាត់ថ្មីជាបន្តបន្ទាប់ ប្រទេសមានសុខសន្តិភាព ស្ថិរភាពសង្គម សន្តិសុខស្បៀង និងកំណើន សេដ្ឋកិច្ច ជាមធ្យម ៧ភាគរយក្នុងមួយឆ្នាំៗ ដែលធ្វើឲ្យការវិវឌ្ឍន៍រីកចម្រើនប្រែមុខមាត់ថ្មីជាបណ្តើរ សាកសមជា ប្រទេសមានឯករាជ្យភាព អធិបតេយ្យភាព សាមគ្គីភាព បង្រួបបង្រួមជាតិ និងបូរណ:ភាពទឹកដីទាំងនៅក្នុងតំបន់ និងលើឆាកអន្តជាតិ ។
ឆ្លៀតក្នុងឱកាសនោះផងដែរ ឯកឧត្តម ឡូវ ហ៊ឺង ក៏បានលើកយកពីការចាក់វ៉ាក់សុំាងមកបញ្ជាក់ជូន បងប្អូនប្រជាពលរដ្ឋថា ៖ ក្រោមការដឹកនាំ និងភាពឈ្លាសវៃ របស់សម្តេចតេជោ ហ៊ុន សែន នាយករដ្ឋមន្ត្រី សម្តេចបានខិតខំស្វះស្វែងរកនូវវ៉ាក់សាំងការពារ ទប់ស្កាត់ ពីការឆ្លងរីករាលដាលក្នុងផ្ទៃប្រទេសទាំងមូល ទាំងការអំពាវនាវទិញ ការទទួលជំនួយវ៉ាក់ពីបណ្តាប្រទេសនានា ជាពិសេសវ៉ាក់សាំងពីប្រទេសជាមិត្ត របស់មិត្តចិន ទាំងការទិញ និងការផ្តល់នូវជំនួយមនុស្សធម៌” វ៉ាក់សាំង” ដើម្បីបានចាក់ជូនប្រជាពលរដ្ឋបានទាន់ពេលវេលា។
ឧកញ៉ា ឡូវ ហ៊ឺង បានប្រសាសន៍ សូមបងប្អូនដែលកំពុងរស់នៅក្នុងភូមិនិងសហគមន៍ សូមចងចាំនិងបង្កើនការប្រុងប្រយ័ត្នជាប់ខ្លួនជានិច្ច គឺត្រូវពាក់ម៉ាសការពារ មានទឹកអាល់កុលនិងជែលសម្អាតមេរោគនិងបាក់តេរីផ្សេងៗ ចៀសវាងការចម្លងរោគពីម្នាក់ទៅ ម្នាក់ដោយសារខ្វះការប្រុងប្រយ័ត្នឬគិតស្រាលៗ ពោលការរស់នៅប្រចាំថ្ងៃ ត្រូវអនាម័យរស់នៅល្អ ដើម្បីសុខភាព ។ ឧកញ៉ា ឡូវ ហ៊ឺង និង ឧកញ៉ា អែល សារ៉ុម បាននាំមកនូវ សារ៉ុង ថ្នាំពេទ្យ ប្រហុក សីម៉ង់ ៥តោន និងថវិកាប្រមាណ៦៥០០ដុល្លា ដែលជាអំណោយ ឯកឧត្តម ឧត្តមសេនីយ ហ៊ុន ម៉ាណែត បានចែកជូននិងផ្តល់ជូនផ្ទាល់ដៃប្រជាពលរដ្ឋប្រមាណ៧០០គ្រួសារ នៅក្នុងបរិវេណវត្តទងត្រឡាច។
![](https://asset.ams.com.kh/central/media/photo_2022-05-16_09-05-56.jpg)
![](https://asset.ams.com.kh/central/media/photo_2022-05-16_09-05-48.jpg)
![](https://asset.ams.com.kh/central/media/photo_2022-05-16_09-06-06.jpg)
![](https://asset.ams.com.kh/central/media/photo_2022-05-16_09-05-41.jpg)
![](https://asset.ams.com.kh/central/media/photo_2022-05-16_09-05-58.jpg)
![](https://asset.ams.com.kh/central/media/photo_2022-05-16_09-05-46.jpg)
![](https://asset.ams.com.kh/central/media/photo_2022-05-16_09-06-11.jpg)
![](https://asset.ams.com.kh/central/media/photo_2022-05-16_09-06-03.jpg)
![](https://asset.ams.com.kh/central/media/photo_2022-05-16_09-05-45.jpg)
![](https://asset.ams.com.kh/central/media/photo_2022-05-16_09-05-43.jpg)
![](https://asset.ams.com.kh/central/media/photo_2022-05-16_09-06-08.jpg)
![](https://asset.ams.com.kh/central/media/photo_2022-05-16_09-05-54.jpg)
![](https://asset.ams.com.kh/central/media/photo_2022-05-16_09-05-51.jpg)
![](https://asset.ams.com.kh/central/media/photo_2022-05-16_09-06-13.jpg)
![](https://asset.ams.com.kh/central/media/photo_2022-05-16_09-05-39.jpg)