ហាណូយ៖ តម្លៃសាំងនៅប្រទេសវៀតណាមបានបង្កើតកំណត់ត្រាថ្មីមួយទៀត គឺកើនដល់ជាង ៣០០០០ ដុង (១,៣០ ដុល្លារអាមេរិក) ក្នុងមួយលីត្រ កាលពីថ្ងៃទី២៣ ឧសភា ពោលគឺបន្ទាប់ពីអាជ្ញាធរបានកែសម្រួលតម្លៃឡើងលើ ជាលើកទី ៥ ជាប់ៗគ្នា។

តម្លៃប្រេងសាំងដ៏ពេញនិយម RON 95 និងជីវឥន្ធនៈ E5 RON 92 ទាំងពីរសុទ្ធតែបានកើនឡើង ២.៣ ភាគរយ ដល់ ៣០៦៥០ដុង និង ២៩៦៣០ដុង។ ប៉ុន្តែប្រេងម៉ាស៊ូត ប្រេងកាត និងម៉ាស៊ូត មានតម្លៃតិចជាងវិញ ចន្លោះពី ៣.១ ទៅ ៤.៧ ភាគរយ។

នេះជាលើកទីមួយដែលតម្លៃសាំងនៅប្រទេសវៀតណាមឡើងលើសតម្លៃខ្ទង់ ៣០ ០០០ ដុង។ ថ្ងៃចន្ទម្សិលមិញនេះ គឺជាការដំឡើង លើកទី៥ ចាប់តាំងពីថ្ងៃទី ១២ ខែមេសា ដោយគ្មានការកែសម្រួលធ្លាក់ចុះ។

បើប្រៀបធៀបទៅនឹងដើមឆ្នាំ ២០២២ ប្រេងសាំងមួយលីត្រឥឡូវនេះ មានតម្លៃ លើស ២៨ភាគរយ បើទោះបីជារដ្ឋាភិបាលបានកាត់បន្ថយពន្ធលើបរិស្ថានក៏ដោយ៕ ប្រែសម្រួល ៖ សារ៉ាត