បាងកក៖ នាព្រឹកថ្ងៃទី២៤ ឧសភា ក្រសួងសុខាភិបាលថៃបានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៤,១៤៤ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ។ ក្នុងចំណោមករណីឆ្លងថ្មីៗខាងលើ មាន ៤,១៤៣ករណី ជាករណីឆ្លងក្នុងសហគមន៍ និង ១ករណីទៀតជាករណីនាំចូល។

ក្រៅពីការរកឃើញករណីឆ្លងថ្មីៗខាងលើ អ្នកជំងឺចំនួន ៣៦នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា ខណៈអ្នកជំងឺចំនួន ៧,២៣៥នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។

គិតត្រឹមព្រឹកថ្ងៃទី២៤ ឧសភា ថៃបានកត់ត្រានូវករណី COVID-19 សរុបនៅទូទាំងប្រទេសចំនួន ៤,៤១៩,៧៣៧ករណី ក្នុងនោះ មានអ្នកស្លាប់ ២៩,៨១១នាក់ និងអ្នកជាសះស្បើយឡើងវិញគឺ ៤.៣៤លាននាក់៕ ប្រែសម្រួល៖ សារ៉ាត