កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៨ថ្ងៃ ជាប់គ្នាមកនេះក៏ដោយ ។

យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ២ម៉ឺន ពាន់ ១៨៤ នាក់ ដែលស្មើនឹង ៩៣,៨៩ភាគរយ ។

ចំណែកតួលេខអ្នកចាក់វ៉ាក់សាំងដូសទី៣ ក្នុងរយៈ ពេល ២៤ម៉ោង មកនេះបានចំនួន ១ម៉ឺន ៦ពាន់ ២០៤នាក់ ដែលជាតួលេខចាក់កើនឡើង ចំនួន ៨ពាន់ ១១នាក់ បើប្រៀបធៀបនឹងម្សិលមិញ។ តួលេខពលរដ្ឋដែលបានចាក់វ៉ាក់សាំងដូសទី៣ សរុបទូទាំងប្រទេសគិតត្រឹមថ្ងៃនេះមានចំនួន ៩លាន ១២ម៉ឺន ១ពាន់ ២១៨នាក់ ។

ចំណែកតួលេខអ្នកចាក់វ៉ាក់សាំងដូសទី៤នោះវិញ, រយៈ ពេល ២៤ម៉ោង មកនេះមានចំនួន ២ម៉ឺន ១ពាន់ ៩៩១នាក់ ដែលជាតួលេខកើនឡើងជាង ម្សិលមិញផងដែរចំនួន ១ម៉ឺន ២ពាន់ ៣៩២នាក់ ។ តួលេខអ្នកចាក់វ៉ាក់សាំងដូសទី៤ សរុប គិតរហូតមកទល់ពេលនេះបានចំនួន ២លាន ៣៧ម៉ឺន ៣ពាន់ ៧៧៥នាក់ ។

ដោយឡែកការចាក់វ៉ាក់សាំងលើកុមារអាយុក្រោម ៥ឆ្នាំ បានចំនួន ៤០ម៉ឺន ២០២នាក់ ដែល ស្មើនឹង ៦៥,៥៣ភាគរយ នៃគោលដៅចំនួនកុមារដែលត្រូវចាក់វ៉ាក់សាំងទូទាំងប្រទេស ៕