សហព័ន្ធកីឡាវាយកូនបាល់ យកព្រឹត្តិការណ៍រំលឹកខួបលោក ទេព ឃុនណា ស្វែងរកជើងខ្លាំងចេញទៅប្រកួតនៅវៀតណាម រកចំណាត់ថ្នាក់ក្នុងតារាងពិភពលោក

Story សហព័ន្ធកីឡាវាយកូនបាល់កម្ពុជា បានរៀបចំការប្រកួតកីឡាវាយកូនបាល់រំលឹកខួប លោក ទេព ឃុណា ដែលជាអតីតកីឡាករវាយកូនបាល់លំដាប់លេខ១ ក្នុងទសវត្សរ៍ទី៦០ លើកទី២៧ នៅទីលានកីឡាវាយកូនបាល់ ក្នុងពហុកីឡដ្ឋានជាតិ។

លោក ជា ពៅ អគ្គលេខាធិការ សហព័ន្ធកីឡាវាយកូនបាល់កម្ពុជា បានថ្លែងបញ្ជាក់ថា ការប្រកួតកីឡារំលឹកខួបលើកទី២៧នេះ គឺលោក ទេព រិទ្ធីវិទ្ធ អគ្គលេខាធិការ សហព័ន្ធ រៀបចំឡើង ដើម្បីរំលឹក និងឧទ្ទិស ដល់លោកឳពុក ទេព ឃុនណា អតីតកីឡាករវាយកូនបាល់ឆ្នើមរបស់កម្ពុជា ដែលបានទទួលមរណៈភាពប្រមាណជាង២០ឆ្នាំកន្លងទៅ ។ អគ្គលេខាធិការរងរូបនេះ បញ្ជាក់ទៀតថា ការប្រកួតនេះ ដំណើរការរយៈពេល៥ថ្ងៃ ចាប់ពីថ្ងៃទី២៥ នឹងបញ្ចប់នៅថ្ងៃទី២៩ ខែឧសភា ឆ្នាំ២០២២ ដោយធ្វើការប្រកួតប្រជែងលើ២វិញ្ញាសា គឺប្រកួតឯកក្តជន និងវិញ្ញសាប្រកួតវាយគូរ។

អគ្គលេខាធិការរងខាងលើ បានគូសបញ្ជាក់ទៀតថា ការប្រកួតនេះ ក្រៅពីការរំលឹកខួប ក៏ជាការប្រកួតចំរាញ់កីឡាករជំរើសជាតិ ចំនួន២រូបទៅចូលរួមប្រកួតនៅប្រទេសវៀតណាមនៅចុងខែឧសភា ដើម្បីស្វែងរកចំណាត់ថ្នាក់ក្នុងរាងតារាងពិភពលោក។

គួររំលឹកថា ពានរង្វាន់ TEP KHUNNH MEMMORIAL CUP បានរៀបចំធ្វើឡើងជាង២០ឆ្នាំកន្លងមកហើយ ជាការរំលឹកឧទ្ទិសដល់ អតីតកីឡាករវាយកូនបាល់ល្បីឈ្មោះ លំដាប់លេខ១ របស់កម្ពុជាក្នុងទសវត្សរ៍ទី៦០ លោក ទេព ឃុនណា ត្រូវជាឳពុកបង្កើត លោក ទេព រិទ្ធីវិទ្ធ អគ្គលេខាធិការ សហព័ន្ធកីឡាវាយកូនបាល់បច្ចុប្បន្ន៕អត្ថបទ៖ ជាវ ចន្ធូ

ជាវ ចន្ធូ
ជាវ ចន្ធូ
អ្នកយកព័ត៌មានកីឡា ពិធីករព័ត៌មានកីឡា រាយការព័ត៌មានកីឡា ថត សសេរអត្ថបទព័ត៌មាន កាត់ត អានព័ត៌មាន។ បទពិសោធន៍ការងារ៖ ធ្លាប់ធ្វើការងារផ្នែកវិស័យព័ត៌មានកីឡាជាង១០ឆ្នាំ ធ្វើការក្នុងស្ថានប័នធំៗជាច្រើនខាងផ្នែកទូរទស្សន៍ និងទទួលបានការបណ្តុះបណ្តាលវគ្គព័ត៌មានកីឡាខ្លីៗពីស្ថានប័នជំនាញជាច្រើនវគ្គផងដែរ។
ads banner
ads banner
ads banner