អ្នកនំាំពាក្យគ.ជ.ប៖ បើទោះបីខេត្តមួយចំនួនភ្លៀងធ្លាក់យ៉ាងណាក្តី ប៉ុន្តែដំណើរការបោះឆ្នោតនៅតែរលូនល្អនិងជោគជ័យ
ភ្នំពេញ៖ ដំណើរការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅវេលាម៉ោង ៧:០០នាទីព្រឹក ថ្ងៃអាទិត្យ ទី៥ ខែ មិថុនា ឆ្នាំ២០២២ នេះបានប្រព្រឹត្តិទៅ ដោយគ្មានការព្យួរ ការរិយាល័យណាមួយឡើយពោលគឺមានភាពរលូនល្អបោះទោះបីនៅតាមខេត្ត ក្រុងនិងរាជធានីភ្នំពេញ មានភ្លៀងធ្លាក់មួយចំនួន យ៉ាងណាក្តី។នេះបើតាមការបញ្ជាក់របស់ឯកឧត្តម សោម សូរីដា អ្នកនាំពាក្យគណៈកម្មាធិការជាតិរៀបចំការ បោះឆ្នោត (គ.ជ.ប) ថ្លែងប្រាប់ AMS នៅរសៀលថ្ងៃទី ០៥ ខែ មិថុនា ឆ្នាំ ២០២២នេះ ។
ឯកឧត្តម សោម សូរីដា បាន ឲ្យដឹងថាការបោះឆ្នោតនៅគ្រប់ ការិយាល័យត្រូវបានប្រព្រឹត្តិទៅរលូនល្អ បើទោះបីស្ថានភាព អាកាសធាតុមានភ្លៀងធ្លាក់ខ្លះៗក្តី។ គ្រប់ការរិយាល័យបោះ ឆ្នោតបានបើកដំណើរ ទន្ទឹមគ្នាចាប់ពីម៉ោង៧ព្រឹកមករហូតដល់ ម៉ោង៣រសៀលដែលបានបិទបញ្ចប់។ យ៉ាងណាក្តីគិតមកដល់ម៉ោងនេះចំនួនភាគរយនៃប្រជាពលរដ្ឋមកបោះឆ្នោតនោះគ.ជ.បពុំបានទទួលលទ្ធផលអស់នៅឡើយទេគិតមកដល់ម៉ោងនេះ។
អ្នកនាំពាក្យគ.ជ.បរូបនេះបញ្ជាក់បន្ថែមថា៖«បើគិតទូទៅមកដល់ម៉ោងនេះឃើញថាដំណើរការបោះឆ្នោតរលូនល្អ សន្តិសុខសុវត្ថិភាព ល្អ និងបញ្ចប់ដោយភាពជោគជ័យ។
គួរបញ្ជាក់ថា សម្រាប់ ការបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅវេលាម៉ោង ៧:០០នាទីព្រឹកថ្ងៃអាទិត្យទី៥ ខែមិថុនា ឆ្នាំ២០២២ នេះ ការិយាល័យបោះឆ្នោត រឺ ទាំង ២៣.៦០២ នៃរាជធានី ខេត្ត ទាំង ២៥ បានបើកដំណើរការ ស្របតាមការកំណត់ សម្រាប់ឱ្យ ប្រជាពលរដ្ឋ ខ្មែរដែលមានឈ្មោះក្នុងបញ្ជីបោះឆ្នោតផ្លូវការ ធ្វើការបោះឆ្នោតគាំទ្រគណបក្ស នយោបាយ ដែលខ្លួនពេញចិត្ត ដើម្បីជ្រើសរើសក្រុមប្រឹក្សាឃុំ សង្កាត់ សម្រាប់អាណត្តិទី៥ នេះ។ ការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥នេះ មានគណបក្សនយោបាយចំនួន១៧ បានចូលរួមប្រកួតប្រជែង ដោយបានដាក់បេក្ខជនក្រុមប្រឹក្សាឃុំ/សង្កាត់សរុប ៨៦,០៩២នាក់ ស្ត្រី ២៧,៨១៣នាក់។
ដោយឡែកបើតាមបញ្ជីបោះឆ្នោតផ្លូវការ ឆ្នាំ២០២១ សម្រាប់បម្រើឱ្យការបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ប្រជាពលរដ្ឋមានឈ្មោះបោះឆ្នោត គឺ មានចំនួនសរុប ៩.២០៥.៦៨១ នាក់ ខណៈការិយាល័យបោះឆ្នោតសរុបទូទាំងប្រទេសមាន ចំនួន ២៣.៦០២ ការិយាល័យ៕ដោយ៖ម៉ាដេប៉ូ