ណៃពិដោ ៖ អាជ្ញាធរមីយ៉ាន់ម៉ាបានអះអាងថា ខ្លួនបានដុតបំផ្លាញគ្រឿងញៀនដែលមានតម្លៃជាងកន្លះពាន់លានដុល្លារ ។ ការដុតបំផ្លាញគ្រឿងញៀននេះធ្វើឡើង កាលពីចុងសប្តាហ៍ ដែលមីយ៉ាន់ម៉ាថាជាផ្នែកមួយនៃកិច្ចខិតខំប្រឹងប្រែងលុបបំបាត់សម្រាប់ទិវាគ្រឿងញៀនពិភពលោក ខណៈដែលអង្គការសហប្រជាជាតិព្រមានថា ការផលិតមេតំហ្វេតាមីននៅក្នុងតំបន់កំពុងឈានដល់កម្រិតកំណត់ត្រា ។

អាជ្ញាធរបាននិយាយថា ហេរ៉ូអ៊ីនជិតពីរតោន និងថ្នាំគ្រាប់ថ្នាំ “យ៉ាបា” ជាង ៦៣០លានគ្រាប់ ត្រូវបានដុតបំផ្លាញចោល នៅក្នុងពិធីនានា ក្នុងមជ្ឈមណ្ឌលពាណិជ្ជកម្មរបស់ប្រទេសមីយ៉ាន់ម៉ា ទីក្រុងយ៉ាំងហ្គូន កណ្តាលទីក្រុង Mandalay និងរដ្ឋ Shan នៅភាគខាងជើង ៕ ប្រែសម្រួល៖ សារ៉ាត