ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសអបអរសាទរ ដល់ក្រុមបាល់បោះជនពិការនារីកម្ពុជា ដែលទទួលបានមេដាយមាស ក្នុងព្រឹត្តិការណ៍អាស៊ានប៉ារ៉ាហ្គេម នៅឥណ្ឌូនេស៊ី។

យោងតាមបណ្ដាញសង្គមតេលេក្រាមនៅរសៀលថ្ងៃទី៣១ ខែកក្កដា ឆ្នាំ២០២២ សម្តេចតេជោ ហ៊ុន សែន បានអបអរសាទរ ក្រុមបាល់បោះជនពិការនារីកម្ពុជា ទទួលបានមេដាយមាស បន្ទាប់ពីបានយកឈ្នះក្រុមនារីថៃដោយលទ្ធផល ៧-៥ វិញ្ញាសានារី ៣ទល់៣ នៅវគ្គផ្តាច់ព្រ័ត្រ នៅអាស៊ានប៉ារ៉ាហ្គេម លើកទី១១ ប្រទេសឥណ្ឌូនេស៊ី ៕ ដោយ វណ្ណលុក