ហាណូយ៖ យោងតាមក្រសួងកសិកម្ម និងអភិវឌ្ឍន៍ជនបទនៃវៀតណាមបានឱ្យដឹងថា វៀតណាមបាននាំចេញអង្ករចំនួន ៤.២ លានតោន ក្នុងរយៈពេល ៧ ខែដំបូង កើនឡើង ២០ភាគរយ បើធៀបនឹងពេលដូចគ្នា កាលពីឆ្នាំ២០២១។

ប៉ុន្តែប្រាក់ចំណូលបានកើនឡើងត្រឹមតែ ៩ភាគរយប៉ុណ្ណោះនៅតម្លៃ ២ពាន់លានដុល្លារ ចាប់តាំងពីតម្លៃអង្ករពិភពលោកបានធ្លាក់ចុះជាង ១០ ភាគរយ មកនៅត្រឹម ៤៨៩ដុល្លារអាមេរិក ក្នុងមួយតោន។

ការនាំចេញទៅសហរដ្ឋអាមេរិកបានកើនឡើងយ៉ាងលឿនបំផុត ក្នុងអត្រា ៦៥,៣ ភាគរយ តាមពីក្រោយ ដោយប្រទេសហ្វីលីពីន ដែលជាទីផ្សារកំពូលរបស់ប្រទេសវៀតណាម មានចំនួន ៤៨,៦ ភាគរយ។

តម្លៃក្នុងស្រុកក៏ធ្លាក់ចុះផងដែរ ដោយសារអាកាសធាតុមិនល្អប៉ះពាល់ដល់គុណភាពស្រូវ ហើយតម្រូវការមានកម្រិតទាបបើធៀបនឹងខែមុន៕ ប្រភពពី VNexpress , ប្រែសម្រួលដោយ៖ សារ៉ាត