ភ្នំពេញ ៖ ជនសង្ស័យ ៦៩នាក់ ត្រូវបានសមត្ថកិច្ចឃាត់ខ្លួន ក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំងរាជធានី.ខេត្ត កាលពីថ្ងៃទី០៩ ខែសីហា ឆ្នាំ២០២២ ម្សិលមិញ។ នេះបើយោងតាមការបញ្ជាក់របស់នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ឱ្យដឹងនៅថ្ងៃនេះ។

នាយឧត្តមសេនីយ៍ ខៀវ សុភ័គ បានបញ្ជាក់បន្ថែមថា ក្នុងចំណោមជនសង្ស័យទាំង ៦៩នាក់នោះ មាន ២៤នាក់ ត្រូវបានឃាត់ខ្លួននៅក្នុងបទល្មើសព្រហ្មទណ្ឌ ១១ករណី ស្ថិតក្នុង ៧រាជធានី.ខេត្ត និងជនសង្ស័យ ៤៥នាក់ ត្រូវបានឃាត់ខ្លួន ក្នុងបទល្មើសគ្រឿងញៀន ១៥ករណី ស្ថិតក្នុង ៩រាជធានី.ខេត្ត៕ ដោយ៖ ឆៃហួត និងប៊ុនធី