ភ្នំពេញ ៖ រដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន កាលពីថ្ងៃអាទិត្យ ២កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែសីហា ឆ្នាំ២០២២ បានចុះពិនិត្យតាមមាត់ប្រឡាយបឹងត្របែក និងជុំវិញផ្សាររតនា ផ្លាហ្សា នៅសង្កាត់បឹងត្របែក ហើយក៏បានណែនាំដល់អាជីវករដែលលក់ដូរតាមមាត់ប្រឡាយឱ្យមានការវិចខ្ចប់សំរាមឱ្យបានត្រឹមត្រូវ ដោយមិនត្រូវបោះសំរាមចូលទៅក្នុងប្រឡាយនោះទេ និងបានណែនាំដល់កន្លែងដេប៉ូដាក់សំរាម ជួយរៀបចំអោយមានសណ្ដាប់ធ្នាប់ នឹងអនាម័យ ដើម្បីជៀសវាងមានសំរាមធ្លាក់ចូលនៅក្នុងប្រឡាយ ។

ក្នុងឱកាសនោះមានការអញ្ជើញចូលរួមពីលោកអភិបាលរងខណ្ឌ, ប្រធាន-អនុប្រធានសណ្ដាប់ធ្នាប់ខណ្ឌ, ក្រុមហ៊ុន ស៊ិន ទ្រី និងមន្ត្រីពាក់ព័ន្ធ ៕ ដោយ ៖ ភារ៉ា និងប៊ុនធី