ភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក.) បានរៀបចំពិធីសម្ពោធ «យុទ្ធនាការ BeyondTheGames “ នៅថ្ងៃទី៣០ ខែកញ្ញា ឆ្នាំ២០២២ នាអគារ KAMPUS ។

យុទ្ធនាការខាងលើនេះ បានរៀបចំឡើងដោយសហភាពសហព័ន្ធយុវជនកម្ពុជាក្នុងភាពជាដៃគូសហការជាមួយគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) ដើម្បីអបអរសាទរ និងផ្សព្វផ្សាយឲ្យបានទូលំទូលាយអំពីភាពជាម្ចាស់ផ្ទះរបស់ព្រះរាជាណាចក្រកម្ពុជា ក្នុងព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ និងដើម្បីកៀរគរឲ្យមានការចូលរួមចំណែកពីប្រជាជនកម្ពុជាគ្រប់រូបក្នុងការលើកតម្កើងមោទកភាពជាតិ ឧត្តមភាព ភាពសម្បូរបែប និងសក្តានុពលរបស់កម្ពុជានាពេលបច្ចុប្បន្ន នៅលើឆាកជាតិ និងអន្តរជាតិ។ ចាន់ វិចិត្រ