តូក្យូ៖ រដ្ឋមន្ត្រីក្រសួងហិរញ្ញវត្ថុជប៉ុន លោក Shunichi Suzuki បាននិយាយនាថ្ងៃទី៣ ខែតុលា ឆ្នាំ២០២២នេះ ថា ប្រទេសជប៉ុនត្រៀមខ្លួនជាស្រេចដើម្បីចាត់វិធានការ យ៉ាងម៉ឺងម៉ាត់ នៅក្នុងទីផ្សារប្តូរប្រាក់បរទេស ប្រសិនបើប្រាក់យ៉េន ធ្លាក់ចុះហួសកម្រិត នៅតែបន្ត។

លោក Suzuki បាននិយាយនៅក្នុងសន្និសីទសារព័ត៌មានក្រោយកិច្ចប្រជុំគណៈរដ្ឋមន្ត្រី ដោយសំដៅទៅលើការធ្លាក់ចុះយ៉ាងខ្លាំងនាពេលថ្មីៗនេះ របស់ប្រាក់យ៉េនថា “វាមានសារៈសំខាន់សម្រាប់រូបិយប័ណ្ណដើម្បីផ្លាស់ទីប្រកបដោយស្ថិរភាព ដោយសារការផ្លាស់ប្តូរដ៏មុតស្រួច និងម្ខាងគឺមិនចង់បាន” ។

លោកបាននិយាយថា “យើងបានធ្វើអន្តរាគមនៅថ្ងៃផ្សេងទៀត ហើយយើងបាននិយាយថា យើងនឹងចាត់វិធានការយ៉ាងម៉ឺងម៉ាត់តាមតម្រូវការ។ វាគ្មានការសង្ស័យទេ វាបានការពារប្រឆាំងនឹងការផ្លាស់ប្តូរ ដែលរំពឹងទុក” ។

ប្រទេសជប៉ុនបានចំណាយប្រាក់រហូតដល់ ២.៨ពាន់ពាន់លានយ៉េន ( ១៩.៣៤ ពាន់លានដុល្លារ) ដើម្បីធ្វើអន្តរាគមន៍នៅក្នុងទីផ្សារប្តូរប្រាក់បរទេស កាលពីខែមុន ដើម្បីជំរុញប្រាក់យ៉េន នៅពេលដែលតម្លៃយ៉េនបានធ្លាក់ចុះដល់កម្រិតទាបខ្លាំង ពុំធ្លាប់មាន ក្នុងពេល ២៤ឆ្នាំ ក្នុងនោះ ធៀបនឹងប្រាក់ដុល្លារចុងក្រោយ គឺនៅ ១៤៤.៧៥ក្នុងមួយដុល្លារ ។

នៅពេលសួរអំពីទំហំធំ នៃការធ្វើអន្តរាគមន៍នោះ លោក Suzuki បាននិយាយថា ចំនួននេះត្រូវបានសម្រេចដោយយកកត្តាគ្រប់ជ្រុងជ្រោយមកពិចារណា៕ ប្រភពពី CNA, ដោយ៖ សារ៉ាត