បាងកក៖ រដ្ឋមន្ត្រីក្រសួងហិរញ្ញវត្ថុថៃ លោក Arkhom Termpittayapaisith បាននិយាយនៅក្នុងបទសម្ភាសន៍មួយ នាថ្ងៃពុធសប្តាហ៍នេះថា ថៃគួរតែមើលឃើញកំណើនសេដ្ឋកិច្ចពី ៣ទៅ ៣.៥ភាគរយ នៅឆ្នាំនេះ ដែលជំរុញដោយវិស័យនាំចេញ និងទេសចរណ៍សំខាន់ៗ។

លោក Arkhom ដែលកំពុងនិយាយ នៅខាងក្រៅកិច្ចប្រជុំរដ្ឋមន្ត្រីហិរញ្ញវត្ថុ មកពីតំបន់អាស៊ីប៉ាស៊ីហ្វិក APEC បាននិយាយថា សេដ្ឋកិច្ចត្រូវបានគេរំពឹងថា នឹងកើនឡើង ៣.៧ ភាគរយនៅឆ្នាំក្រោយ ហើយដំណើរការរបស់ប្រាក់បាត គឺស្របតាមប្រទេសជាមិត្ត ក្នុងតំបន់។

រូបិយប័ណ្ណថៃបានធ្លាក់ចុះទាបក្នុងរយៈពេល ១៦ឆ្នាំធៀបនឹងប្រាក់ដុល្លារ។ វាបានធ្លាក់ថ្លៃប្រហែល ១២ ភាគរយ ធៀបនឹងប្រាក់ត្រឡប់មកវិញរហូតមកដល់ពេលនេះ នៅឆ្នាំ២០២២។

ធនាគារកណ្តាលបានព្យាករណ៍ថា សេដ្ឋកិច្ចធំទីពីររបស់អាស៊ីអាគ្នេយ៍ត្រូវបានគេរំពឹងថា នឹងត្រលប់ទៅកម្រិតមុនការរាតត្បាតរបស់ខ្លួននៅចុងឆ្នាំនេះ ឬ ដើមឆ្នាំក្រោយ។

កំណើនសេដ្ឋកិច្ច កាលពីឆ្នាំមុន ១.៥ ភាគរយគឺស្ថិតក្នុងចំណោមកំណើនយឺតបំផុត នៅក្នុងតំបន់។ ក្នុងអំឡុងខែមេសាដល់ខែមិថុនា សេដ្ឋកិច្ចបានកើនឡើង ២.៥ ភាគរយធៀបនឹងឆ្នាំមុន ហើយបានពង្រីក ០.៧ ភាគរយ ពីត្រីមាសមុន។

លោក Arkhom បាននិយាយដែរថា ប្រទេសថៃកំពុងរំពឹងថា នឹងមានភ្ញៀវទេសចរបរទេសពី ៨ ទៅ ១០លាននាក់ នៅឆ្នាំនេះ៕ ប្រភពពី CNA, ដោយ៖ សារ៉ាត