ព្យុងយ៉ាង៖ យោធាកូរ៉េខាងត្បូង បាននិយាយថា ប្រទេសកូរ៉េខាងជើងបានបាញ់មីស៊ីលផ្លោង រយៈចម្ងាយខ្លី (SRBMs) ចំនួនពីរ ចេញពីឆ្នេរសមុទ្រភាគខាងកើតរបស់ខ្លួន កាលពីថ្ងៃសុក្រ ខណៈដែលកងកម្លាំងកូរ៉េខាងត្បូងត្រូវបញ្ចប់សមយុទ្ធជិតពីរសប្តាហ៍ ។

ការបាញ់នេះ ស្របពេលដែលមានការភ័យខ្លាចកាន់តែខ្លាំងឡើងថា កូរ៉េខាងជើងកំពុងរៀបចំការសាកល្បងនុយក្លេអ៊ែរលើកដំបូងរបស់ខ្លួន ចាប់តាំងពីឆ្នាំ ២០១៧ គឺជាឆ្នាំចុងក្រោយបង្អស់ដែលកូរ៉េខាងជើងបានសាកល្បងកាំជ្រួចជាច្រើនមិនថា ជាមីស៊ីលរយៈចម្ងាយខ្លី មីស៊ីលអន្តរទ្វីប ( ICBMs) ឬផ្សេងទៀត។

អគ្គសេនាធិការរួមរបស់កូរ៉េខាងត្បូង (JCS) បាននិយាយថា យន្តហោះចម្បាំង SRBMs ត្រូវបានបាញ់ចេញពីតំបន់ Tongcheon ក្នុងខេត្ត Gangwon ភាគខាងជើង ពោលគឺរយៈពេលបួនថ្ងៃបន្ទាប់ពីអ្នកជិតខាងបានផ្លាស់ប្តូរការបាញ់ព្រមាន នៅឆ្នេរសមុទ្រភាគខាងលិចនៃឧបទ្វីបដែលបែងចែក។

JCS បាននិយាយនៅក្នុងសេចក្តីថ្លែងការណ៍មួយថា “យោធារបស់យើងកំពុងរក្សាជំហរត្រៀមខ្លួនពេញលេញ” ដោយបន្ថែមថា ខ្លួនបានបង្កើនការត្រួតពិនិត្យ និងសន្តិសុខ ខណៈពេលដែលមានការសម្របសម្រួលយ៉ាងជិតស្និទ្ធជាមួយសហរដ្ឋអាមេរិក។ ការបាញ់បង្ហោះមិនបង្កការគំរាមកំហែងភ្លាមៗដល់សហរដ្ឋអាមេរិក ឬសម្ព័ន្ធមិត្តរបស់ខ្លួននោះទេ នេះបើតាមបញ្ជាការដ្ឋានឥណ្ឌូប៉ាស៊ីហ្វិករបស់យោធាអាមេរិក បាននិយាយនៅក្នុងសេចក្តីថ្លែងការណ៍មួយ។

ទោះជាយ៉ាងណាក៏ដោយ ពួកគេ “គូសបញ្ជាក់ពីផលប៉ះពាល់អស្ថិរភាព” នៃអាវុធប្រល័យលោក និងកម្មវិធីមីស៊ីលផ្លោងខុសច្បាប់របស់កូរ៉េខាងជើង។មន្ទីរបញ្ចកោណបាននិយាយថា កូរ៉េខាងជើងបានបាញ់មីស៊ីលផ្លោងពីរគ្រាប់ចេញពីតំបន់កណ្តាលនៃប្រទេស៕ ប្រភពពី Reuters, ដោយ៖ សារ៉ាត