ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកឡើងខ្ពស់ត្រដែត។ ហោរាសន្យាថាថ្ងៃនេះនេះលោកអ្នកពោរពេញទៅដោយភាពជោគជ័យ និងអារម្មណ៍ភ្លឺស្វាង។ ក្នុងនោះដែរ លោកអ្នកនឹងទទួលបានពត៌មានពិសេស ឬបានទទួលព្រឹត្តិការណ៍រីករាយសម្រាប់កិច្ចការងារ ក៏ដូចជាជីវិតឯកជនផងដែរ។ ប្រការចំបាច់បំផុត គឺសូមលោកអ្នករស់នៅក្នុងគំនិតវិជ្ជមាន ហើយត្រូវត្រៀមខ្លួនទប់ទល់នឹងបញ្ហាជានិច្ច គឺត្រូវធ្វើយ៉ាងណាក៏បានប្រាកដថាលោកអ្នកយល់ដឹងពីការងារដែលកំពុងអនុវត្តបានច្បាស់លាស់។ ក្រៅពីនេះ ប្រសិនបើអ្នកចង់ផ្លាស់ប្តូរទីកន្លែងការងារគឺអាចធ្វើទៅបាន។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះល្អមធ្យម ។ សូមព្យាយាមធ្វើយ៉ាងណាកំណត់អាទិភាពការងារឲ្យបានត្រឹមត្រូវ។ ឥឡូវនេះមិនមែនជាពេលវេលាដ៏ល្អបំផុតសម្រាប់ការសម្រេចចិត្តដោយឯកឯង និងធ្វើកិច្ចព្រមព្រៀងនោះទេ ពីព្រោះហានិភ័យនៃការចាញ់បោកគឺខ្ពស់ណាស់។ ជាទូទៅលោកអ្នកអាចបញ្ចប់ការងារដោយជោគជ័យ ហើយអ្នកក៏អាចយកឈ្នះរាល់ឧបសគ្គដោយប្រើវិធីសាស្រ្តធម្មតា។ ទន្ទឹមនឹងនេះ សូមព្យាយាមរក្សាពាក្យសំដី និងកាយវិការ ហើយ មិនគួរគិតច្រើនជាងបញ្ហានោះទេ។ 

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ ហោរាណែនាំលោកអ្នកមិនឲ្យបាក់ទឹកចិត្ត ឬធ្លាក់ខ្លួនក្នុងភាពអស់សង្ឃឹមនោះទេ។  បញ្ហាការិយាល័យតូចតាចមិនអាចគំរាមកំហែងធ្ងន់ធ្ងរដល់សកម្មភាពវិជ្ជាជីវៈរបស់លោកអ្នកបានឡើយ។ ថ្ងៃនេះលោកអ្នកទទួលបានគំនិតច្នៃប្រឌិតច្រើន ដែលជួយសម្រួលការដោះស្រាយ និងសម្របទៅនឹងបញ្ហាបានល្អ។ ក្នុងពេលស្រប គ្នានេះ សូមព្យាយាមបង្កើនកិច្ចទំនាក់ទំនង ពិសេសជាមួយដៃគូការងាររបស់អ្នក។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អសម្រាប់ការទំនាក់ទំនង និងបង្កើតបណ្តាញនានានោះទេ។ សូមព្យាយាមរៀបចំគម្រោងផែនការការងារ ហើយគួរជៀសវាងការចូលរួមក្នុងការចរចា និងការប្រជុំ។ ចំពោះការងារដែលប្រថុយប្រថាន គឺមិនគួរសាកល្បងនោះ ប្រយ័ត្នខាតបង់ទ្រព្យ ព្រមទាំងបាត់បង់ទំនុកចិត្តពីមនុស្សនៅជុំវិញខ្លួន។ ក្នុងនោះសូមចងចាំថា ការសម្រេចចិត្តលឿន អាចជះឥទ្ធិពលអវិជ្ជមានដល់អាជីពរបស់អ្នក ដូច្នេះសូមមានភាពអត់ធ្មត់ ហើយដោះស្រាយដោយសន្តិវិធី។  

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ កិច្ចការងារ និងអាជីវកម្មរបស់លោកអ្នកមានដំណើរការល្អប្រសើរណាស់។ លោកអ្នករំពឹងថាទទួលបានលាភសំណាងធំ ឬការតម្លើងប្រាក់បៀវត្សរ៍សម្រាប់ការខិតខំប្រឹងប្រែងរបស់អ្នក។ ផ្ទុយទៅវិញ សូមលោកអ្នកពិនិត្យវាយតម្លៃផែនការការងារ ឬវិធីសាស្រ្តអនុវត្តឡើងវិញ ដោយសារលោកអ្នកត្រូវការដើរឲ្យទាន់ស្ថានភាពការងារដែលកំពុងមានការផ្លាស់ប្តូរ។ ក្រៅពីនេះ បើទោះបីជាស្ថានភាពនានា គឺស្ថិតនៅខាងលោកអ្នកយ៉ាងណា សូមចំណាយពេលខ្លះគិតគូរពីផែនការអនាគត។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អក្នុងការផ្លាស់ប្តូរការងារនោះទេ។ ការសម្រេចចិត្តផ្លាស់ប្តូរស្ថានភាពការងារនៅពេលនេះ នឹងជួបប្រទះបញ្ហាហិរញ្ញវត្ថុយ៉ាងខ្លាំង។ ហោរាសូមឲ្យលោកអ្នកបំពេញការងារដែលមានក្នុងដៃនាពេលនេះសូម្បីតែការងារតូចតាចយ៉ាងណាក្តី។ ការទទួលខុសត្រូវជាការចាំបាច់ណាស់ វានឹងធ្វើឲ្យលោកអ្នកបញ្ចៀសបញ្ហារឹងស្ទះ ព្រមទាំងយកឈ្នះទឹកចិត្តមនុស្សដែលកំពុងមានបំណង មិនល្អ។ ការយកចិត្តទុកដាក់នឹងការងារនឹងសម្រួលបញ្ហា ព្រមទាំងផ្តល់លំនឹងបន្ថែម។  

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះកិច្ចការងារ និងអាជីពទាំងឡាយរបស់អ្នកមានដំណើរការល្អប្រសើរ។ លោកអ្នកគួរផ្តោតការយកចិត្តទុកដាក់នឹងការងារដែលសំខាន់​ ហើយចំពោះការងារតូចតាចសូមកុំយកចិត្តទុកដាក់ពេក ទុកវាឲ្យរសាយបាត់បង់ទៅវិញតាមធម្មជាតិខ្លះទើបជាការល្អប្រសើរ។ ក្នុងពេលនេះ អ្នកប្រហែលជាមិនទាន់បានភាពចម្រើនលូតលាស់ និងលុយកាក់តាមក្តីប្រាថ្នា ឬទុនដែលលោកអ្នកដាក់ចេញនោះទេ ប៉ុន្តែទោះបីជាយ៉ាងនេះក្តី អ្នកមិនគួរមានការព្រួយបារម្ភច្រើនពេកនោះទេ អ្វីៗនឹងប្រសើរឡើង វិញ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។  ​រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាដែលល្អសម្រាប់ការចាកចេញពីស្ថានភាពបច្ចុប្បន្ន។ រក្សាការធ្វើទំនាក់ទំនងអោយនៅក្នុងកំរិតល្អបំផុត។ ពេល ខ្លះការអត់ធ្មត់នឹងផ្តល់លទ្ធផលប្រសើរជាងការតបតនៅពេលនេះ។ ក្នុងនោះ ប្រហែលជាអ្នកគួរចាប់អារម្មណ៍នឹងការងារ ច្រើនជាងគំនិតរបស់អ្នកដទៃ។ ដោយឡែក លោកអ្នកនឹងទទួលបានលាភសំណាងជាសម្ភារៈ និងជាលុយកាក់ច្រើន ដូច្នេះចូរបំពេញការងារទៅតាម បំណងប្រាថ្នា។   

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការងាររបស់អ្នកមានដំណើរការល្អប្រសើរ ប៉ុន្តែរឿងលុយកាក់អាចនឹងមិនទាន់ទទួលបានតាមទុនដែលដាក់ចេញនោះទេ។ លោកអ្នកក៏ប្រហែលជាត្រូវស៊ូទ្រាំការលំបាកច្រើនបន្តិចក្នុងពេលនេះ ប៉ុន្តែក៏មិនគួរបារម្ភច្រើនពេកដែរ គួរសំលឹងមើលហេតុការណ៍ ប្រមូលយកពត៌មាន និងសម្របទៅតាមស្ថានការណ៍។ ដោយឡែក លោកអ្នកទទួលបានគំនិតប្រាជ្ញាភ្លឺស្វាង ព្រមទាំងអាចធ្វើការដោះស្រាយបញ្ហា ឬសម្របទៅតាមស្ថានភាពនៅជុំវិញខ្លួនបានល្អ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​ ​ រាសីលោកអ្នកក្នុងថ្ងៃនេះល្អមធ្យម។ លោកអ្នកពោរពេញទៅដោយគំនិតវិជ្ជមាន និងភាពសុទិដ្ឋិនិយមចំពោះហេតុការណ៍ ឬសកម្មភាពការងារ ដែលករណីនេះធ្វើឲ្យលោកអ្នកយល់ដឹងពីជំហានការងារបានល្អ ហើយក៏អាចសម្រប និងដោះស្រាយបញ្ហាដែលកើតឡើងដោយភាពងាយស្រួល។  ប៉ុន្តែទោះយ៉ាងនេះក្តី សូមកុំទាន់ធ្វើការសម្រេចចិត្តដោយងាយពេកឲ្យសោះ ការគិតពិចារណាវែងឆ្ងាយប្រកបដោយហេតុផលនឹងជួយលោកអ្នកឲ្យបានសម្រេចតាមគោលបំណង។ ក្រៅពីនេះ ការផ្លាស់ប្តូរទីកន្លែងការងារ និងស្ថានភាពការងារ នឹងមានភាពចម្រើនគួរអោយកត់សម្គាល់។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ មុខរបរការងារ និងជំនួញរបស់អ្នកនឹងសម្រេចផលបានល្អណាស់ ដូច្នេះសូមកុំបារម្ភអ្វីឡើយ។ ប្រសិនបើលោកអ្នកជាអាជីករ ដែលលក់ចេញទិញចូលអចលនទ្រព្យអាចនឹងជួបលាភធំក្នុងពេលនេះ ដូច្នេះសូមព្យាយាមពិនិត្យវាយតម្លៃឪកាស ធ្វើយ៉ាងណាកុំឲ្យមានការខកខាន។ ចំពោះទំនាកទំនាក់ធំតូចទាំងឡាយគឺអាចធ្វើបាន ប៉ុន្តែសូមរក្សាភាពស្មោះត្រង់។ ក្នុងនោះដែរ សូមកុំមានការព្រួយបារម្ភចំពោះការស្នើសុំសម្រាប់ ការធ្វើកិច្ចសហការនានា ពីព្រោះស្ថានភាពនៅជុំវិញខ្លួនមិនបណ្តាលឲ្យមានបញ្ហានោះទេ។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការងារ និងអាជីវកម្មរបស់លោកអ្នកសម្រេចបានផល និងចំណេញប្រាក់កាក់ច្រើន។ សមម្រាប់ក្តីសុបិន្តនានារបស់លោកអ្នក គួរកុំស្ទាក់ស្ទើរយកមកអនុវត្តន៍ក្នុងពេលនេះ ដោយសារបញ្ហាធ្ងន់ធ្ងរនានានឹងមិនកើតឡើងសោះឡើយ។ ចំណែកមិត្តភក្តិរួមការងារនឹងជួយជ្រោមជ្រែងលោកអ្នកពេញទំហឹង។ ថ្ងៃនេះក៏ជាពេលមានអំណោយផលសម្រាប់ការចរចា ការបង្ហាញស្នាដៃផងដែរ ដូច្នេះសូមកុំខកខានឪកាសពិសេសនេះ។ ក្រៅពីនេះ សូមរក្សាពាក្យសំដី ក្រែងមានការអាក់អន់ចិត្ត។

ចំណាំៈ

ឆ្នាំទាំង៤ ជូត រោង មមែ ច រាសីឡើងខ្ពស់ត្រដែត។ ថ្ងៃនេះលោកអ្នករំពឹងថាទទួលបានលាភ ទាំងលុយកាក់ និងឳកាស។ ចំណែកការបោះទុន និងកិច្ចសហការនានាមានអំណោយផល បំផុត។