សៀមរាប៖ នៅព្រឹកថ្ងៃទី២៦ ខែវិច្ឆិកា ឆ្នាំ២០២២នេះ ស្ថិតក្នុងសាលាបឋមសិក្សាក្រសាំងរលើង បានរៀបចំពិធីចែករង្វាន់ ប័ណ្ណសរសើរ និងលិខិតបញ្ចប់ការសិក្សា ព្រមទាំងសម្ភារដល់សិស្សពូកែៗ ប្រមាណជាង ៣០០នាក់ ។

និមន្ត និង អញ្ជើញចូលរួមមាន ព្រះគ្រូ ពុទ្ធវិសុទ្ធរង្សី ទៀង វ៉ាន់ ព្រះគ្រូចៅអធិការវត្តអធ្វាក្រុងសៀមរាប លោក វ៉ាន់ ភីរុណ ប្រធានសមាគមសម្ពន្ធប្រជាជនដើម្បីសន្តិភាពក្រុងសៀមរាប និងអាជ្ញារធរ ផងដែរ។

យោងតាមរបាយការណ៍របស់សាលាបឋមសិក្សាក្រសាំងរលើង បង្ហាញថា សាលាបឋមសិក្សាក្រសាំងរលើង គឺយើងមានអគារសិក្សាចំនួន ០៣ខ្នង ស្មើនិង១០បន្ទប់ បុគ្គលិកសិក្សាចំនួន ១២ នាក់ ស្រី ០៦នាក់ ក្នុងនោះបុគ្គលិកចិច្ចសន្យាចំនួន០៥នាក់ស្រី ០៤នាក់ ។ មានសិស្សសរុបចំនួន ៣៣៥នាក់ ស្រី ១៥៤នាក់ ។ សិស្សដែលត្រូវចែកប័ណ្ណសរសើរ និង រង្វាន់លើកទឹកចិត្តមានចំនួន ៣៥នាក់ ស្រី ២៨នាក់ ។ សិស្សក្រីក្រជួបការខ្វះខាត ដែលត្រូវចែកសម្លៀកបំពាក់សិក្សាមានចំនួន ៣៥នាក់ ស្រី ១៥នាក់។ ហើយសិស្សទាំងអស់ត្រូវបានទទួលសម្ភារសិក្សាក្នុងម្នាក់ៗ មួយកញ្ចប់ផងដែរ ៕ ដោយ ស៊ាន សុផាត