ម្អមក្តាម (creeping marshweed)
អត្ថបទដោយ៖
ធី ដា
ម្អមក្តាម៖ ដើមមានរោមផ្នែកខាងលើ មានកម្ពស់ប្រហែល ៥-៤៥ស.ម ។ ស្លឹកឈមគ្មានទងរាងពងក្រពើ មានរោមនៅផ្ទៃលើ គែមមានធ្មេញតូចៗ ផ្កាទោលផ្តុំជាចង្កោមខ្លីៗដុះចេញពីប្រគាបស្លឹកទងផ្ការាងមាំតែខ្លីមានប្រវែង ១-២ម.ម ហើយមានរោមវែង និងក្រពេញ។ ត្របកផ្កា៥ មានប្រវែង ៤-៥ម.ម ជាប់គ្នានៅផ្នែកក្រោម ហើយមានរោម និងក្រពេញ។
ស្រទាប់ផ្កាមានប្រវែង ៦-៧ម.ម មានរោមនៅផ្ទៃខាងក្នុង ពណ៌ស នៅផ្នែកក្រោម ផ្នែកលើពណ៌ស្វាយហើយចែកជា ២ផ្ទាំង ផ្ទាំលើចែកជា ២កំពក ផ្ទាំងក្រោមចែកជា ៣ ។ កេសរឈ្មោល៤ ផ្តុំគ្នា ២លើ ២ក្រោម។ មានគ្រាប់ច្រើនរាងទ្រវែង មានកំពកតូចៗ។ ស្លឹកមានរសជាតិល្វីងតិចៗ បន្តពូជដោយគ្រាប់ ដុះលើដីខ្សាច់សើមៗ និងទំនាបលិចទឹកផ្សេងៗ។
ការប្រើប្រាស់បានជាគ្រឿងទេស៖
_ប្រើឱ្យមានក្លិនឈ្ងុយក្នុងម្ហូបអាហារ ជាពិសេស ក្នុងសម្ល និងគ្រឿងភ្លា។
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
