ទិន្នផលប្រេងរបស់រុស្ស៊ីកើនឡើងពីរភាគរយក្នុងឆ្នាំ ២០២២ បើទោះជាមានការដាក់ទណ្ឌកម្មក៏ដោយ
មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅក្នុងថ្ងៃអង្គារសប្តាហ៍នេះថា ផលិតកម្មប្រេងរបស់ប្រទេសរុស្ស៊ីបានកើនឡើង ២ភាគរយកាលពីឆ្នាំ ២០២២ បើទោះបីជាមានការដាក់ទណ្ឌកម្មពីលោកខាងលិចក៏ដោយ។
នេះបើតាមការលើកឡើងរបស់វិមានក្រឹមឡាំង។
![](https://asset.ams.com.kh/central/media/2023/01/photo_2023-01-18_13-06-40-2-1024x576.jpg)
លោក ពូទីន បានបញ្ជាក់យ៉ាងដូច្នេះថា ខ្ញុំចង់និយាយជាពិសេសអំពីវិស័យប្រេង និងឧស្ម័ន។ ទោះបីជាមានសម្ពាធទណ្ឌកម្មដែលបានដាក់ពីមុនក៏ដោយ ក៏ផលិតកម្មប្រេងនៅក្នុងប្រទេសរុស្ស៊ីបានកើនឡើងប្រហែល ២ភាគរយ នៅក្នុងឆ្នាំ ២០២២ ខណៈបរិមាណនៃការផលិតមានចំនួន ៥៣៥ លានតោន។
![](https://asset.ams.com.kh/central/media/2023/01/photo_2023-01-18_13-06-42-3-1024x575.jpg)
ប្រធានាធិបតីរុស្ស៊ីរូបនេះបានកត់សម្គាល់ទៀតថា ស្របពេលដែលការផលិតឧស្ម័នធម្មជាតិបានធ្លាក់ចុះ ១១.៨ភាគរយនោះ តម្លៃឧស្ម័នសកលក៏បានកើនឡើងយ៉ាងខ្លាំងផងដែរ ដោយសារតែទណ្ឌកម្មរបស់ប្រទេសលោកខាងលិច។
![](https://asset.ams.com.kh/central/media/2023/01/photo_2023-01-18_13-06-43-1024x575.jpg)
លោកថា ជាលទ្ធផលនៃដំណើរការទាំងនេះ អ្នកផលិត និងអ្នកនាំចេញឧស្ម័នរបស់រុស្ស៊ី បានរួមចំណែកប្រាក់ចំណូលកាន់តែធំដល់ថវិកាសហព័ន្ធ៕
![](https://asset.ams.com.kh/central/media/2023/01/photo_2023-01-18_13-06-42-1-1024x682.jpg)
![](https://asset.ams.com.kh/central/media/2023/01/photo_2023-01-18_13-06-42-2-1024x664.jpg)
ប្រភព៖ ស៊ីនហួរ ប្រែសម្រួលដោយ៖ បុត្រា