ភ្នំពេញ ៖ ជនសង្ស័យចំនួន ៤២នាក់ ( ស្រី ៥នាក់ ) ត្រូវបានសមត្ថកិច្ច ឃាត់ខ្លួនក្នុង ប្រតិបត្តិការ បង្ក្រាប បទល្មើសគ្រឿងញៀនចំនួន ១៣ករណី នៅទូទាំងប្រទេសកម្ពុជា កាលពីថ្ងៃ ទី២៤ ខែមករា ឆ្នាំ២០២៣ ម្សិលមិញ។ នេះបើយោងតាមប្រភពព័ត៌មានពីសមត្ថកិច្ចជំនាញ អគ្គនាយកដ្ឋាននគរបាលជាតិ បានឱ្យដឹងនៅព្រឹកថ្ងៃទី២៥ ខែមករា ឆ្នាំ២០២៣នេះ។

សូមបញ្ជាក់ថា ជនសង្ស័យទាំង ៤២ នាក់ រួមមាន ៖ ជួញដូរ ៩ករណី ឃាត់ ២១នាក់ ( ស្រី ៤ នាក់ ) , ដឹក ជញ្ជូនរក្សាទុក ២ករណី ឃាត់ ១០នាក់ , ប្រើប្រាស់ ២ករណី ឃាត់ ១១នាក់ ( ស្រី ១ នាក់ ) រួមទាំងវត្ថុតាំងមួយចំនួន ត្រូវបានប្រមូលទុកជាវត្ថុតាំង។

សកម្មភាពខាងលើ បានធ្វើនៅប្រាំបួនខេត្ត រួមមាន៖ កំពង់ស្ពឺ, កណ្តាល, បាត់ដំបង, ព្រៃវែង, ព្រះ សីហ នុ, សៀមរាប, ពោធិ៍សាត់, ស្វាយ រៀង, តាកែវ, ក្នុងនោះ មាន ១១អង្គភាព បាន ចូលរួម បង្ក្រាបនគរបាល ១០អង្គភាព និងកងរាជអាវុធហត្ថ ១អង្គភាព៕ ដោយ៖ ឆៃហួត