ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកក្នុងថ្ងៃនេះល្អជាមធ្យម។ មុខរបរអាជីវកម្ម និងកិច្ចការងារនានាប្រកបបានដោយផលជាទីគាប់ចិត្ត។ ប្រសិនបើអ្នកមិនពេញចិត្តនឹងអ្វីដែលអ្នកកំពុងធ្វើ ការផ្លាស់ប្តូរអាចធ្វើទៅបានដោយគ្មានជំទាស់ឡើយ។ ចំពោះការធ្វើដំណើរផ្លូវឆ្ងាយ គឺហាមដាច់ខាតពាក្យសំដីមិនបានការ។ អ្នកអាចរៀបចំពិធីមង្គលនានាបាន ប៉ុន្តែវេលានេះមិនកំណត់តែត្រឹមនេះឡើយ លោកអ្នកអាចធ្វើបាននៅពេលណាផ្សេងទៀតបាន គ្រាន់ជាពេលព្រឹកជាពេលល្អបំផុតសម្រាប់ថ្ងៃនេះ។ ក្រៅពីនេះ សូមលោកអ្នកព្យាយាមរឹតចំណងមិត្តភាពជាមួយមនុស្សនៅជុំវិញខ្លួន ហើយគួរមានភាពអនុគ្រោះអោយបានខ្ពស់។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីរបស់លោកអ្នកនៅក្នុងថ្ងៃនេះឡើងខ្ពង់ត្រដែត។ កិច្ចការរកស៊ីជួញដូរទទួលបានជោគជ័យ និងផលលាភដ៏ប្រសើរណាស់។ សូមកុំខ្លាចក្នុងការបង្កើតទម្រង់ការងារថ្មី ឬបណ្តាក់ទុនធំ ការប្តេជ្ញាចិត្តរបស់លោកអ្នកនឹងនាំឲ្យបានជោគជ័យទាំងអស់។ សូមឈរលើគំនិតយោបល់របស់ខ្លួន ចំណែកការជឿទុកចិត្តត្រូវមានការប្រុងប្រយ័ត្ន។ ភាពអវិជ្ជមានកើតឡើងចំពោះកុមារ ដូច្នេះសូមផ្លាស់ប្តូរទម្រង់នៃការប្រាស្រ័យទាក់ទង ឬការអប់រំរបស់អ្នក។ សូមជៀសវាងមនុស្សដែលអ្នកមិនធ្លាប់ស្គាល់ ជាពិសេសសូមកុំទុកចិត្តដល់ថ្នាក់ចែករំលែកពត៌មានសំខាន់ របស់ខ្លួនឯង។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលមានអំណោយផលដ៏ល្អខាងគំនិតច្នៃប្រឌិត ដូច្នេះសូមដាក់ចេញផែនការការងារដែលអ្នកបានរៀបចំ។ ដោយឡែកលោកអ្នកនឹងទទួលបានដំណឹងដ៏ល្អចំពោះកិច្ចការងារដែលអ្នកបានរងចាំ។ ចំពោះបុគ្គលិករដ្ឋឯកជន នឹងទទួលបានការសរសើរលើកទឹកចិត្តខ្លាំងពីថ្នាក់លើ។ ការទិញអចលនទ្រព្យ នឹងទទួលផលល្អ ហើយមង្គលក៏កើតមានផងដែរ។ ក្រៅពីនេះ ប្រសិនបើអ្នកមានបំណង ចង់ផ្លាស់ប្តូរទីកន្លែងការងារ របត់ការងារ ឬការកែលម្អគម្រោងផែនការគឺអាចធ្វើទៅបាន ដោយងាយស្រួលបំផុតនៅក្នុងពេលនេះ។

ឆ្នាំថោះ                            

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការងាររបស់លោកអ្នកមានដំណើរល្អណាស់ ព្រមទាំងមានមនុស្សចាំគាំទ្រ និងទំនុកបម្រុងផងដែរ។ លោកអ្នកអាចធ្វើការបណ្តាក់ទុនកិច្ចការងារផ្សេងៗបាន ប៉ុន្តែត្រូវមានគម្រោងច្បាស់លាស់។ ប្រសិនបើអ្នកចង់ផ្លាស់ប្តូរការងារ អ្នកអាចធ្វើទៅបាន ដោយគ្មានអ្វីជំទាស់នោះឡើយ។ លោកអ្នកអាចប្រឈមនឹងមនុស្សនិន្ទាឈ្នានីស ដូច្នេះសូមរក្សាភាពអត់ធ្មត់ ហើយគួរធ្វើការសម្រេចចិត្តដោយឈ្លាសវៃ។ ក្រៅពីនេះលោកអ្នកមានជំនឿទុកចិត្តចំពោះការងាររបស់ខ្លួន ព្រមទាំងទទួលខុសត្រូវ ជានិច្ច​មិនថាការងារនោះតូចតាចយ៉ាងណាទេ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីលោកអ្នកនៅក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលបានលាភសំណាងធំ ដែលនាំមកដល់ដោយមនុស្សដែលមកពីឆ្ងាយ។ ចំពោះកិច្ចការងារនានា នឹងទទួលបានជោគជ័យដ៏ត្រចេះត្រចង់ ប៉ុន្តែសូមលោកអ្នករក្សាចិត្តថ្លើម និងមានចិត្តសណ្តោសប្រណី។ ហើយមិនគួរចូលរួមនឹងមតិរិះគន់ទាំងឡាយឡើយ ប្រយ័ត្នគុណក្លាយជាទោស។ សូមប្រើទេពកោសល្យរបស់អ្នកឲ្យអស់ ពីព្រោះថ្ងៃនេះសំដីរបស់អ្នកហាក់មានឥទ្ធិពលខ្លាំងណាស់។ លើសពីនេះ ថ្ងៃនេះជាពេលវេលាល្អសម្រាប់លោកអ្នកស្វែងរកពត៌មាន ដូច្នេះសូមព្យាយាម យល់ដឹងអំពីមនុស្សនៅជុំវិញខ្លួន ពិសេសចូលអោយកាន់តែកៀកនឹងថ្នាក់លើ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីរបស់លោកអ្នកក្នុងថ្ងៃនេះស្រុតចុះ។ កិច្ចការងា និងរបររកស៊ីដែលអ្នកកំពុងរងចាំលទ្ធផលនោះ គឺមិនទាន់អាចសម្រេចផលបានទេនៅពេលនេះ។ គួរផ្តោតចិត្តគំនិតលើអាជីវកម្មដែលមិនទាន់រៀបរយចប់សព្វគ្រប់។ សូមព្យាយាមបន្ថែម និងសុំការពិភាក្សាយោបល់ប្រសិនបើជួបបញ្ហា។ ការចងមិត្តបន្ថែម នឹងទទួលបានផលល្អណាស់។ ក្រៅពីនេះសូមលោកអ្នកប្រុងប្រយ័ត្នខ្ពស់ពីកំហុសឆ្គងដែលកើតឡើងព្រោះការធ្វេសប្រហែសផ្នែកហិរញ្ញវត្ថុ ឬឯកសារពាក់ព័ន្ធនានាក្នុងពេលនេះ។ ក្រៅពីនេះ ប្រហែលជាទំនាក់ទំនងក្នុងការិយាល័យ មិនសូវសមប្រកបនោះទេ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីរបស់លោកអ្នកក្នុងថ្ងៃនេះល្អជាមធ្យម។ កិច្ចការងាររបស់លោកអ្នកដំណើរការទៅដោយរលូន ប៉ុន្តែប្រសិនបើអ្នកជ្រើសរើសធ្វើកិច្ចការងារជាក្រុម​ នោះភាពជោគជ័យ។ ថ្ងៃនេះអ្នកអាចសុំយោបល់ពីមិត្តរួមការងារ និងមនុស្សដែលអ្នកមិនស្គាល់បាន។ សញ្ញាណនៃការបាត់បង់ទំនុកចិត្តនឹងកើតឡើង ប៉ុន្តែសូមកុំព្រួយបារម្ភ ស្ថានភាពនឹងផ្លាស់ប្តូរជាល្អវិញ។ លោកគ្រូគ្រាន់តែត្រូវប្រុងប្រយ័ត្នពាក្យសំដី និងត្រូវប្រកាន់ខ្ជាប់នូវហេតុផល ព្រមទាំងភាពស្មោះត្រង់។ ដោយឡែកសូមរកពេលសម្រាកអោយបានគ្រប់គ្រាន់ ពីព្រោះសុខភាពរបស់​អ្នកអាចកំពុងទន់ខ្សោយណាស់។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីរបស់លោកអ្នកល្អជាមធ្យម។ កិច្ចការងារនានាដំណើរការទៅជាប្រក្រតី ប៉ុន្តែលាភសំណាងធំដុំ គឺមិនទាន់ឈាមដល់ក្នុងពេលនេះទេ។ សូមលោកអ្នករស់នៅដោយភាពស្ងប់ស្ងាត់ និងការទទួលខុសត្រូវខ្ពស់។ សម្រាប់បញ្ហាខ្លះនៅក្នុងពេលនេះនៅមិនអាចកំណត់ទំហំបាននៅ ឡើយ ហេតុនេះសូមលោកអ្នកប្រុងប្រយ័ត្នជានិច្ចនៅរាល់ការប្រតិបត្តិការ។ លើសពីនេះ ប្រហែលជាអ្នកត្រូវមើលដៃគូសហការរបស់អ្នកអោយបានជាក់ច្បាស់ណាស់មុនពេលធ្វើ កិច្ចសហការនានា។ ក្នុងពេលនេះ ប្រហែលជាការគាំទ្រពីមនុស្សនៅក្បែរក៏មិនលេចចេញ ជារូបរាងអ្វីដែរ ដូច្នេះវានឹងល្អប្រសើរជាង ប្រសិនបើអ្នករំពឹងលទ្ធភាពពីការខិតខំប្រឹងប្រែង របស់ខ្លួនឯង។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះល្អជាមធ្យម។ សូមកុំមានការព្រួយបារម្ភចំពោះកិច្ចការងា និងមុខរបរឡើយ អ្វីៗដំណើរការទៅដោយល្អប្រសើរណាស់។ លោកអ្នកអាចចាប់ផ្តើមការងារថ្មីបាននៅថ្ងៃនេះ ហើយប្រសិនបើអ្នកមិនទុកចិត្តលើខ្លួនឯងត្រូវរកមនុស្សពិភាក្សាជាមុន។ សូមកុំពាក់ព័ន្ធនឹងជម្លោះ ព្រមទាំងបញ្ហានានារបស់អ្នកដទៃ ប្រយ័ត្ននាំទុក្ខធ្ងន់ដល់ខ្លួនឯង។ ក្នុងនោះ បើទោះបីជាករណីខ្លះហាក់ធ្វើអោយអ្នកមានការរំពឹង ឬទុកចិត្តយ៉ាងណាក្តី សូមកុំ ចាញ់បោករូបភាពខាងក្រៅ។ ការគិតពិចារណាអោយបានវែងឆ្ងាយ ជាហេតុដែលអ្នកត្រូវ​តែ ធ្វើ។ ក្រៅពីនេះ ប្រហែលជាកិច្ចសហការមិនសូវសមប្រកបទេ ហើយការខាតបង់ គឺច្រើនជា រឿងលុយកាក់តែម្តង។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​ រាសីរបស់លោកអ្នកថ្ងៃនេះឡើងខ្ពស់ត្រដែត។ ពាក្យសំដីរបស់អ្នកនឹងទទួលបានការគំាទ្រយ៉ាងខ្លាំង ដូច្នេះសូមប្រើអំណោយផលនេះអោយមានប្រសិទ្ធ។ សូមរក្សាគំនិតសុទិដ្ឋិនិយម និងភាពស្មោះត្រង់ឲ្យខ្ជាប់ខ្ជួន។ ចំពោះបញ្ហាហិរញ្ញវត្ថុការសន្សំសំចៃគួរតែជម្រើសដ៏សក្តិសម។ ថ្ងៃនេះមានអំណោយផលខ្លាំងបំផុតសម្រាប់លោកអ្នកដែលបម្រើការងាររដ្ឋ ពិសេសទាក់ទងនឹងការងារការិយាល័យ។ លោកអ្នកទទួលបានអំណោយផលក្នុងការគិតគូរ និងសម្រេចការងារបានឆាប់ ប្រកបដោយភាពវិជ្ជមានខ្ពស់។ សម្រាប់រាល់កិច្ចការងារដែលអ្នក ប៉ងប្រាថ្នា និងបោះជំហានទៅនឹងទទួលបានទិន្នផលខ្ពស់ណាស់ ដូច្នេះគ្មានអ្វីដែលអ្នកត្រូវ បារម្ភទេ។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីរបស់លោកអ្នកក្នុងថ្ងៃនេះស្រុតចុះ។ កិច្ចការងាររបស់អ្នកមិនទាន់ទទួលបានជោគជ័យនោះទេ ចំណែកបញ្ហាក៏ហាក់កើតឡើងមិនដាច់ ដែលធ្វើអោយអ្នកមានកង្វល់ច្រើន។ ក្នុងនោះបើ ទោះបីជាបញ្ហាទាំងនេះមានភាពតូចតាច ប៉ុន្តែសូមព្យាយាមដោយស្រាយអោយបានទាន់ ពេលពីព្រោះវានឹងក្លាយជាកង្វល់ធំ។ ប្រសិនជាអ្នកសូមអ្នកផ្អាកការងារសំខាន់សិន ពិនិត្យ មើលស្ថានការណ៍ ឬស្នើសុំជំនួយពីមនុស្សដែលអ្នកគួរទុកចិត្តអោយបានរួសរាន់។ ក្រៅពី នេះចំពោះលោកអ្នកដែលធ្វើការងារផ្នែកឯកសារ គួរប្រុងប្រយ័ត្នក្រែងបាត់ពត៌មានសំខាន់ ហេតុនេះពិនិត្យអោយបានច្រើនដង។ ចំពោះការផ្លាស់ប្តូរការងារនៅពេលនេះមិនជាការ ប្រសើរនោះទេ។   

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះមានអំណោយផលខ្លាំងសម្រាប់អ្នកធ្វើការរដ្ឋ និងឯកជន។ លោកអ្នកអាចសម្រចការបានទាន់ពេលវេលា ហើយលទ្ធផលក៏ល្អប្រសើរណាស់ ដែរ។ លើសពីនេះ លោកអ្នកក៏កំពុងទទួលបានចំណាប់អារម្មណ៍ពីថ្នាក់លើ ដូច្នេះសូម ប្រឹងប្រែងបំពេញតួនាទី។ នៅក្នុងអនាគតដីខ្លីខាងមុខនេះ លោកអ្នករំពឹងថាទទួលបានផល តបស្នងពីការខិតខំប្រឹងប្រែងនេះ។ ក្រៅពីនេះ លោកអ្នកអាចចាប់ផ្តើមគម្រោងថ្មី ឬការជជែកពិភាក្សា​ និងការដោះស្រាយបញ្ហាចាស់ថ្មីបាន។ ក្រៅពីនេះ សូមមានចិត្តអនុគ្រោ និង សណ្តោសប្រណីចំពោះកំហុស និងរក្សាទំនាក់ទំនង។

ចំណាំៈ

ឆ្នាំទាំង៤ ឆ្លូវ ខាល រោង រកា រាសីឡើងខ្ពស់ត្រដែត។ លាភសំណាង និងឳកាសរបស់អ្នក មានច្រើន។​ ក្នុងនោះ ថ្ងៃនេះអំណោយផលដល់ការដោះស្រាយបញ្ហាហិរញ្ញវត្ថុ។