ភ្នំពេញ៖ ក្នុងរយ:ពេលប៉ុន្មានថ្ងៃនេះ មិនថានៅតាមតុកាហ្វេ ផ្សារ ឬក្លិបហាត់ប្រាណនោះទេ ទាំងនៅភ្នំពេញ និងតាមបណ្តាខេត្ត យើងកត់សំគាល់ឃើញថាប្រជាពលរដ្ឋគ្រប់ស្រទាប់វណ្ណ: មិនថាប្រុស ឬស្រី យុជនឬមនុស្សចាស់នោះឡើយ ពួកគេនាំគ្នាជជែកលេង និងសំដែងការហួសចិត្តចំពោះពាក្យសំដីនិងទង្វើរបស់ លី សុធារ៉ាយុត្តិ អគ្គលេខាធិការគណបក្សភ្លើងទៀនដែលបែកធ្លាយតាមហ្វេសប៊ុក។ ហួសចិត្តត្បិតបានឮពាក្យសម្តីអសុរោះដែល លី សុធារ៉ាយុត្តិ ប្រើជាមួយដៃគូស្នេហារបស់ខ្លួនយ៉ាងក្តៅសាច់ ស្រើបស្រាលដែលធ្វើឱ្យមហាជនទូទៅបានដឹង និងយល់ច្បាស់អំពីភាពស្មោកគ្រោកនិងអសីលធម៌ដ៏គួរឱ្យខ្ពើមរអើមរបស់ក្រុមអ្នកនយោបាយបក្សប្រឆាំងនៅកម្ពុជា។

គ្រាន់តែផេកកម្ពុជាពិតមួយដែលនិយាយពីរឿង លី សុធារ៉ាយុត្តិ មានអ្នកមើលដល់ទៅជាងមួយលាននាក់។ ជាធម្មតា រឿងស្នេហាជារឿងធម្មជាតិរបស់មនុស្សលោកហើយក៏អាចចាត់ទុកជារឿងឯកជនដែរ។ ប៉ុន្តែសម្រាប់ករណី លី សុធារ៉ាយុត្តិ វាពិតជាបានដើរហួសផុតពីក្របខណ្ឌនៃឯកជនភាពទៅហើយ ពីព្រោះវាបានប៉ះពាល់ដល់សេចក្តីថ្លៃថ្នូររបស់សង្គម ជាពិសេសប៉ះពាល់ដល់តម្លៃស្ត្រី និងសីលធម៌សង្គមទាំងមូលយ៉ាងធ្ងន់ធ្ងរបំផុតពីព្រោះ៖
ទី១៖ លី សុធារ៉ាយុត្តិ គឺជាអ្នកនយោបាយ ជាបុគ្គលសាធារណៈដែលត្រូវសុំសន្លឹកឆ្នោតពីប្រជាពលរដ្ឋ។ ដូច្នេះ ពលរដ្ឋត្រូវតែដឹងរឿងពិតនៅក្នុងឆាកនិងក្រៅឆាករបស់បុគ្គលនេះជាចាំបាច់ជាពិសេសគឺ ឈាមថ្មីរបស់បក្សប្រឆាំងថាតើជាឈាមល្អបរិសុទ្ធ រឺឈាមដែលពោរពេញដោយមេរោគ»។
ទី២៖ ភាពជាព្រាននារី និងពាក្យសម្តីអសុរោះដ៏គួរឱ្យស្អប់ខ្ពើមដែល លី សុធារ៉ាយុត្តិ បានប្រើចំពោះបណ្តាស្ត្រីដែលជាដៃគូស្នេហារបស់ខ្លួន គឺជាសម្តីដែលសង្គមខ្មែរពិតជាមិនអាចទទួលយកបាននោះឡើយ និង
ទី៣៖ អំពើសាហាយស្មន់ជាមួយស្ត្រីដែលមានប្តី គឺជាអំពើអសីលធម៌ដែលមនុស្សប្រុស ឬស្ត្រីខ្មែរមិនអាចធ្វើទៅរួចឡើយ ប្រសិនបើពួកគេមានគុណធម៌ និងសីលធម៌ជាមនុស្ស ជាពិសេស បើគេជាអ្នកនយោបាយ ឬបុគ្គលសាធារណ:។

ហេតុផលទាំងបីយ៉ាងដូចបានលើកឡើងខាងលើនេះ គឺជាសក្ខីកម្មដែលបញ្ជាក់ថា ការបែកធ្លាយសំឡេងរបស់ លី សុធារ៉ាយុត្តិ គឺជារឿងត្រឹមត្រូវ និងជាមហាសំណាងសម្រាប់មហាជនដែលជាម្ចាស់ឆ្នោត ពីព្រោះពួកគាត់ ត្រូវការដឹងលឺរឿងអ្នកនយោបាយមុននឹងផ្តល់នូវការទុកចិត្តទៅលើពួកគេ។

ឪសំឡេង លី សុធារ៉ាយុត្តិ ធ្វើឱ្យមហាជនទូទៅនឹកឃើញភ្លាមមួយរំពេចដល់រឿងអាស្រូវផ្លូវភេទរបស់ពិរុទ្ធជន កឹម សុខា ជាមួយបណ្តាស្រីៗជាច្រើន មិនថាជាមួយស្រីខ្មែរ ឬស្រីយួនដែលគាត់មានទាំងកូនជាមួយកាលពីពេលកន្លងទៅ ហើយដែលស្នៀតរបស់ កឹម សុខា នេះក៏មិនខុសប៉ុន្មានពី លី សុធារ៉ាយុត្តិ ដែរពោលគឺការប្រើពាក្យស្រើបស្រាល អសុរោះ និងអសីលធម៌នៅក្នុងទំនាក់ទំនងស្នេហាលួចលាក់សាហាយស្មន់របស់ខ្លួន។ កន្លងទៅ ក៏មានអ្នកនយោបាយប្រឆាំងជាច្រើននាក់ទៀតដែលបែកធ្លាយសកម្មភាពផ្លូវភេទដ៏ស្រើបស្រាល និងអសីលធម៌បំផុត។

មូលហេតុដែលមហាជនត្រូវដឹងរឿងអស់ទាំងនេះ ពីព្រោះពួកគេជាម្ចាស់ឆ្នោត និងជាអ្នកត្រូវផ្តល់សំឡេងគាំទ្រនៅពេលបោះឆ្នោត ព្រោះនៅលើការជាក់ស្តែង ក៏មានអ្នកនយោបាយជាច្រើនគឺជាមនុស្សលាក់ពុតពោល គឺនៅចំពោះមុខមហាជន ពួកគេធ្វើឬកដូចជាហំហួនណាស់ ទ្រឹស្តីហៀរដល់កែងដើម្បីបង្ហាញថា ពួកគេជាមនុស្សមានសីលធម៌ ស្រឡាញ់យុត្តិធម៌សង្គម និងជាគំរូដល់មហាជន ប៉ុន្តែតាមការពិត គឺជាមនុស្សសម្តីបាតផ្សារ ងប់ងល់ នឹងកាមគុណនិងសហាយស្មន់
មិនរើសមុខ។

វិលមកនិយាយពី លី សុធារ៉ាយុត្តិ វិញ ម្ចាស់ហ្វេសប៊ុកដែលមានប្រភពចេញមកពីសហរដ្ឋអាមេរិកដែលជាអ្នកបញ្ចេញសារសំឡេងរបស់បុរសរូបនេះ បានបញ្ជាក់ថា លី សុធារ៉ាយុត្តិ គឺជាកំពូលមនុស្ស ល្មោភកាមដែលពិបាករកដៃគូមកប្រៀបបាន។ និយាយដោយខ្លី បុរសរូបនេះចុះទៅដល់ខេត្តណាមានប្រពន្ធចុងនៅខេត្តនោះ ហើយចុះទៅឃុំណាមានស្រីស្នេហ៍នៅក្នុងឃុំនោះ ដោយមិនគិតថា ស្ត្រីនោះនៅលីវ ឬមានប្តីនោះឡើយ ពោលគឺឱ្យតែមានឱកាស លី សុធារ៉ាយុត្តិ ត្របាក់មិនរើសមុខ។

សំណួរសួរថា តើបុរសរូបនេះបានលុយមកពីណាសម្រាប់ធ្វើនយោបាយផង និងសម្រាប់ចិញ្ចឹមប្រពន្ធចុងនិងស្រីស្នេហ៍ដ៏ច្រើនរាប់មិនអស់ផង? សំណួរនេះមានតែអ្នកបរិច្ចាគលុយឱ្យក្រុមប្រឆាំងទេទើបយល់និងអាចឆ្លើយបាន។

នៅឯក្រៅប្រទេស ពលរដ្ឋខ្មែរជាច្រើនបានបរិច្ចាគលុយដាក់ស្រោមសំបុត្រឱ្យទណ្ឌិត សម រង្ស៊ី ដើម្បីបំពេញភាពហ៊ឺហារ ចាយវាយ និងដំណើរកម្សាន្តសប្បាយគ្រប់ទិសទីអស់ពេលជាច្រើនទសវត្សរ៍មកហើយ។ ចំណែក អេង ឆៃអ៊ាង មិនត្រឹមតែចិញ្ចឹមស្រី តែក៏ជាមនុស្សងប់នឹងល្បែងហើយចិញ្ចឹមបនល្បែងកាស៊ីណូថែមទៀត។ ពលរដ្ឋអ្នកបរិច្ចាគលុយជាច្រើនបានធ្លាក់ខ្លួនក្រ ខណៈដែលក្រុមមេដឹកនាំអ្នកនយោបាយប្រឆាំង
ទាំងឡាយបានបង្ហាញនូវភាពស្តុកស្តម្ភ មានលុយចាយសប្បាយហ៊ឺហារ ចិញ្ចឹមស្រី និងចិញ្ចឹមបនល្បែងគ្រប់ទិសទី។

សរុបមកវិញ ទាំងទណ្ឌិត សម រង្ស៊ី កឹមសុខា អេង ឆៃអ៊ាង ហូរ វ៉ាន់ លី សុធារ៉ាយុត្តិ និងអ្នកដឹកនាំ បក្សប្រឆាំងជាច្រើនទៀតសុទ្ធតែមានសន្តានដូចគ្នា។ទោះជាយ៉ាងណា ប្រជាពលរដ្ឋខ្មែរទាំងក្នុង និងក្រៅប្រទេសបានស្គាល់ក្រយ៉ៅក្រុមនេះច្បាស់ហើយ។

នេះក៏ជាហេតុផលដែលពលរដ្ឋខ្មែរមិនថាអ្នករស់នៅក្នុង ឬក្រៅប្រទេសឡើយដែលពីមុនធ្លាប់ចាញ់ល្បិចកលរបស់ក្រុមមេបោកទាំងនេះ បានភ្ញាក់ខ្លួន ហើយបោះបង់ចោលក្រុមនេះដោយងាកមកចូលរួមជាបន្តបន្ទាប់ក្នុងជីវភាពនយោបាយជាមួយគណបក្សផ្សេងៗវិញ ជាពិសេស ភាគច្រើនបំផុតបានមកចូលរួមជាមួយបក្សកាន់អំណាចរបស់លោក ហ៊ុន សែន ដែលធ្វើឱ្យក្រុមប្រឆាំងដែលដឹកនាំដោយអ្នកនយោបាយសុទ្ធសឹងតែមានសន្តានស្មោកគ្រោកដូចគ្នាបែបនេះ៕
ដោយ៖អ្នកនយោបាយតុកាហ្វេ