ទណ្ឌិតយ៉ាងហោចចំនួន៦៦៨នាក់ ត្រូវបានស្នើសុំបន្ធូរបន្ថយទោស និងការលើកលែងទោស ក្នុងឱកាសពិធីបុណ្យចូលឆ្នាំខ្មែរ និងពិធីបុណ្យវិសាខបូជា ក្នុងឆ្នាំ២០២៣។

មន្ត្រីក្រសួងយុត្តិធម៌បានថ្លែងថាលោករដ្ឋមន្ត្រី កើត រិទ្ធ នៃក្រសួងយុត្តិធម៌ នៅថ្ងៃទី៤ ខែមេសា បានដឹកនាំកិច្ចប្រជុំពិនិត្យលើបញ្ជីឈ្មោះទណ្ឌិត ដែលបានស្នើសុំបន្ធូរបន្ថយទោស និងលើកលែងទោសនេះ ដែលក្នុងចំណោមអ្នកទោសទាំង៦៦៨នាក់នោះ មានទណ្ឌិត៣៤៥នាក់ ត្រូវបានស្នើសុំបន្ធូរបន្ថយទោស, និង៣២៣នាក់ទៀត ត្រូវបានស្នើសុំលើកលែងទោស។