ហ្សូរីច៖ គ្រោងឆ្អឹងដាយណូស័រ Tyrannosaurus rex ដែលគេហៅឈ្មោះថា Trinity ដែលជីកបានមកពីទីតាំងចំនួនបីផ្សេងគ្នានៅសហរដ្ឋអាមេរិក ហើយផ្តុំចូលគ្នាទៅជាគ្រោងឆ្អឹងតែមួយ ត្រូវបានដាក់លក់ក្នុងតម្លៃ ៦.១លានដុល្លារអាមេរិក នៅក្នុងកម្មវិធីដេញថ្លៃដ៏កម្រមួយក្នុងប្រទេសស្វីស។

គ្រោងឆ្អឹងដាយណូស័រមានអាយុកាលពី ៦៥ ទៅ ៦៧លានឆ្នាំ ត្រូវបានដាក់លក់នៅឯក្រុមហ៊ុនដេញថ្លៃ Koller ក្នុងទីក្រុងហ្សូរីច ក្រោយដឹកជញ្ជូនមកពីសហរដ្ឋអាមេរិកក្នុងប្រអប់យក្សចំនួន ៩។ គ្រោងឆ្អឹងដាយណូស័រនេះ មានកំពស់ ៣.៩ម៉ែត្រ បណ្តោយ ១១.៦ម៉ែត្រ និងទទឹង ២.៦៥ម៉ែត្រ៕

ប្រភព៖ AFP ប្រែសម្រួលដោយ៖ ឈឹម ទីណា