ភ្នំពេញ៖ តាមរយៈសារជាសំឡេងផ្ញើជូនជនរួមជាតិនៅរសៀល​ថ្ងៃ​ទី១៩ ខែមេសា ឆ្នាំ២០២៣ សម្តេចតេជោ ហ៊ុន សែន នាយក​រដ្ឋមន្ត្រី​​កម្ពុជាបានប្រកាសសម្រេចលើកលែងកាតព្វកិច្ចពាក់ម៉ាស់ និងការ​លើក​​លែងតម្រូវឱ្យធ្វើតេស្តរហ័សសម្រាប់ការជួប ជុំគ្រប់ប្រភេទ ។(រាយការណ៍ដោយ សុខណេត)។

ក្នុងសារជាសំឡេងសម្ដេចតេជោបានមានប្រសាសន៍ថា បន្ទាប់ពីចូលឆ្នាំប្រពៃណីជាតិខ្មែររួច ពិនិត្យឃើញថា ជំងឺ កូវីដ១៩ មិនមានការឆ្លងរាលដាលនោះទេ។ បន្ថែមពីលើនោះ គឺសំណាក ដែលត្រូវពិសោធន៍ក៏មិនមានផងដែរ ហើយបើសិនជាមាន ក៏មាន ចំនួនតិចតួចណាស់។ ករណីបែបនេះ អនុញ្ញាតឱ្យ រាជរដ្ឋាភិបាល និងក្រសួងសុខាភិបាល ធ្វើការពិនិត្យឡើងវិញអំពីវិធានការនានា សម្រាប់ប្រកាន់យកនៅក្នុងដំណាក់កាលថ្មី។